ලෝක වෙළඳපොලේ පවතින ඉන්ධන මිල ඉහළ යාම් සහ අභියෝග හමුවේ, විකල්ප වෙළඳපොළවල් ඔස්සේ නයිජීරියානු බොරතෙල් ශ්රී ලංකාවට ගෙන්වා ගැනීමේ හැකියාව සෙවීමට ලංකා ඛනිජ තෙල් සංස්ථාව (CPC) නව පියවරක් තබා තිබේ.
මීට පෙර නයිජීරියාවෙන් ගෙන්වන ලද බොරතෙල් සාම්පලයක් ජලයෙන් දූෂිත වී ඇති බවට අනාවරණය වීමත් සමඟ, ඊට අදාළ පිරිවිතර පරීක්ෂණයක් සඳහා නව බොරතෙල් සාම්පලයක් ඉල්ලා සිටීමට කටයුතු කර ඇති බව ලංකා ඛනිජ තෙල් සංස්ථාවේ සභාපති D.J. රාජකරුණා මහතා මාධ්ය වෙත ප්රකාශ කළේය.
වත්මන් ගෝලීය තත්ත්වයන් මත ඉන්ධන මිලදී ගැනීම අභියෝගයක් වුවද, රටේ බලශක්ති ආරක්ෂාව තහවුරු කිරීම සඳහා විකල්ප සැපයුම් මාර්ග සෙවීම අත්යවශ්ය වී තිබේ. සපුගස්කන්ද තෙල් පිරිපහදුව හරහා මෙම නයිජීරියානු බොරතෙල් දේශීයව පිරිපහදු කර භාවිත කළ හැකිද යන්න පරීක්ෂා කර බැලීමට ඉදිරියේදී කටයුතු කරන බවද හෙතෙම වැඩිදුරටත් සඳහන් කළේය. දේශීය වෙළඳපොළේ ඉන්ධන අවශ්යතාවයෙන් 25%ත් 30%ත් අතර ප්රමාණයක් සපුගස්කන්ද පිරිපහදුව මඟින් සපුරාලනු ලබයි.
