ඩෙන්මාර්කයේ කෝපන්හේගන් නුවරට උතුරින් පිහිටි හිලරොඩ් (Hillerod) ප්රදේශයේදී අද (23) පෙරවරුවේ මගී දුම්රිය දෙකක් එකිනෙක ගැටීමෙන් පුද්ගලයන් කිහිප දෙනෙකු තුවාල ලබා ඇති බව එරට හදිසි සහන සේවා වාර්තා කරයි. දේශීය දුම්රිය දෙකක් මුහුණට මුහුණ ගැටීමෙන් මෙම අනතුර සිදුව ඇති බව තහවුරු වී තිබේ.
අනතුර සිදුවූ වහාම සහන කණ්ඩායම් එම ස්ථානයට ළඟා වී ඇති අතර, දුම්රිය තුළ සිරවී සිටි සියලුම මගීන් මේ වන විට ඉවත් කර ඇති බව බලධාරීහු පවසති. තුවාල ලැබූවන් සංඛ්යාව සහ අනතුරට හේතුව මෙතෙක් නිල වශයෙන් අනාවරණය කර නොමැති අතර, මේ වන විට එම ස්ථානයේ ගලවා ගැනීමේ මෙහෙයුම් සහ වැඩිදුර පරීක්ෂණ ක්රියාත්මක වෙමින් පවතී.
