ප්රමිතිගත වී කිලෝග්රෑමයක් රුපියල් 100ට වඩා අඩු මිලකට අලෙවි නොකරන ලෙස කෘෂිකර්ම නියෝජ්ය අමාත්ය නාමල් කරුණාරත්න මහතා ගොවිජනතාවගෙන් ඉල්ලා සිටියි. අද (13) මාධ්ය වෙත අදහස් දක්වමින් නියෝජ්ය අමාත්යවරයා මේ බව සඳහන් කළේය.
මෙම තීරණය සම්බන්ධයෙන් නියෝජ්ය අමාත්යවරයා අවධාරණය කළ කරුණු කිහිපයක් පහත දැක්වේ:
වී මිලදී ගැනීම සඳහා රජයේ ගබඩා මේ වනවිට විවෘත කර ඇත. රජය විසින් නියම කර ඇති මිල ගණන්වලට වී මිලදී ගැනීමට පෞද්ගලික අංශය ද එකඟතාව පළ කර ඇති බැවින්, ඊට අඩු මිලකට වී අලෙවි නොකරන ලෙස ගොවීන්ට දැනුම් දෙයි. එසේම, ගොවීන්ගෙන් වී අඩු මිලට මිලදී නොගන්නා ලෙස පෞද්ගලික අංශයේ වී මිලදී ගන්නා පුද්ගලයින්ට ද නියෝජ්ය අමාත්යවරයා දැඩිව අවධාරණය කළේය.
සහල් සහ වී සඳහා මීට පෙර පනවා තිබූ කොන්දේසි මේ වනවිට ඉවත් කර ඇත. එමගින් සහල් නිෂ්පාදනයට පමණක් නොව, සත්ව ආහාර වැනි අතුරු නිෂ්පාදන සඳහා ද වී මිලදී ගැනීමට මේ වනවිට හැකියාව පවතින බව නියෝජ්ය අමාත්යවරයා වැඩිදුරටත් සඳහන් කළේය.
