දිවයින පුරා විවිධ ව්යවසාය ක්ෂේත්රයන්හි නියැලෙමින් ජාතික ආර්ථිකයට සුවිශේෂී දායකත්වයක් ලබා දෙන කාන්තා ව්යවසායිකාවන් ඇගයීමට ලක් කෙරෙන ‘ප්රතිභාභිෂේක’ කාන්තා ව්යවසායිකා සම්මාන උළෙල වෙනුවෙන් DFCC බැංකුවේ ‘DFCC ආලෝකා’ හරහා අඛණ්ඩව පස්වන වරටත් දියමන්ති අනුග්රාහක සහ නිල බැංකු සහකරු ලෙස දායකත්වය ලබා දීමට පියවර ගෙන තිබේ. කාන්තා ව්යවසායකයින්ට තාවකාලික සහයෝගයකට වඩා ඔබ්බට ගොස් ඔවුන්ගේ ව්යාපාර ස්ථාපිත කිරීමට, අභියෝග ජය ගනිමින් නොනැසී පැවැතීමට සහ දීර්ඝකාලීන වර්ධනයක් අත්කර ගැනීමට අවශ්ය මූල්යමය ශක්තිය මෙන්ම වෘත්තීය මගපෙන්වීම අඛණ්ඩව ලබා දීමේ අරමුණින් මෙම කඩඉම සනිටුහන් කර ඇත.
මෙම හවුල්කාරිත්වය පිළිබඳව අදහස් දක්වමින් DFCC බැංකුවේ අධ්යක්ෂ සහ ප්රධාන විධායක නිලධාරී තිමල් පෙරේරා මහතා අවධාරණය කළේ, කාන්තා ව්යවසායකයින් සේවායෝජකයින්, අපනයනකරුවන් සහ ජාතික බදු ගෙවන්නන් ලෙස මෙරට ආර්ථික සංවර්ධනයට සපයන දායකත්වය අතිමහත් බවයි. ඔවුන්ගේ ව්යාපාර බිම් මට්ටමේ සිට ඉහළ නැංවීම හුදෙක් සමාජීය ඇතුළත් කිරීමේ ප්රශ්නයක් නොව, එය ශ්රී ලංකාවේ ආර්ථික පුනර්ජීවනයට සෘජුව බලපාන තීරණාත්මක ජාතික අවස්ථාවක් වන බැවින්, බැංකු හවුල්කරුවෙකු ලෙස ඔවුන්ගේ ඉදිරි ගමනට අවශ්ය මූල්ය දැනුම සහ ජාල ප්රවේශය අඛණ්ඩව සපයන බව ඔහු පෙන්වා දුන්නේය.
මෙහිදී කාන්තා කුඩා පරිමාණ ව්යවසායිකාවන්ගේ සිට පරිණත සමාගම් මෙහෙයවන ප්රවීණයන් දක්වා පුළුල් පරාසයක් ආවරණය වන පරිදි ජාතික තලයේ පිළිගැනීමක් ලබා දීම තුළින්, ඔවුන්ගේ ව්යාපාරවල විශ්වසනීයත්වය ඉහළ නංවන අතරම පුළුල් වෙළඳපල අවස්ථා වෙත ප්රවේශ වීමට මංපෙත් විවර වේ. සාර්ථක කාන්තා නායකත්වයක් හරහා නිර්මාණය වන ආර්ථික ප්රතිලාභ සේවකයින්, පවුල් සහ ප්රජාවන් හරහා සමස්ත සමාජයම ස්ථාවර කිරීමට දායක වන බැවින්, ඉදිරියේදී මෙරට ස්ත්රී පුරුෂ සමාජභාවී ආර්ථික සහභාගීත්වය සහ ව්යවසායකත්ව සංස්කෘතිය තවදුරටත් ශක්තිමත් කිරීමට මෙම දිගුකාලීන හවුල්කාරිත්වය ප්රබල පිටුබලයක් වනු ඇත.
