ශ්රී ලාංකිකයින්ගේ දෛනික ජීවිතයට ස්මාර්ට් තාක්ෂණය සමීප කරවීමේ අරමුණින් දිවයිනේ ප්රමුඛතම සන්නිවේදන සැපයුම්කරු වන ඩයලොග් ආසියාටා පීඑල්සී සහ ඔරෙල් කෝපරේෂන් (OREL Corporation) ආයතනය උපායමාර්ගික හවුල්කාරිත්වයකට එළඹ තිබේ. මෙම සහයෝගීතාව හරහා ඩිජිටල් විනෝදාස්වාදය සහ ස්මාර්ට් නිවාස විසඳුම් යන ක්ෂේත්ර ද්විත්වයම ආවරණය වන පරිදි නවෝත්පාදන රැසක් හඳුන්වා දීමට දෙපාර්ශ්වය සූදානම් වෙයි. මෙහි මූලික පියවරක් ලෙස ඩයලොග් ප්ලේ (Dialog Play) ස්මාර්ට් ටීවී ඇප් එක ඔරෙල් ස්මාර්ට් රූපවාහිනී යන්ත්ර සමඟ ඒකාබද්ධ කෙරෙන අතර එමඟින් අමතර උපකරණවලින් තොරව පැය 50,000කට අධික විනෝදාස්වාද අන්තර්ගතයන් නැරඹීමේ අවස්ථාව පාරිභෝගිකයන්ට හිමිවේ.
මීට අමතරව දේශීයව නිෂ්පාදිත ස්මාර්ට් නිවාස උපකරණ ඩයලොග් ස්මාර්ට් හෝම් (Smart Home) ඇප් එක හරහා පාලනය කළ හැකි පරිදි සකස් කිරීම මෙම වැඩපිළිවෙළේ තවත් විශේෂත්වයකි. මෙමඟින් ස්මාර්ට් පවර් ස්ට්රිප් (Smart power strips) වැනි උපාංග භාවිතයෙන් තම නිවසේ විදුලි උපකරණ ඉතා පහසුවෙන් කළමනාකරණය කිරීමට ශ්රී ලාංකිකයින්ට අවස්ථාව සැලසේ. දේශීය නිෂ්පාදන හැකියාව සහ ඩිජිටල් වේදිකාවන්හි පවතින ශක්තිය එකිනෙක සම්බන්ධ කරමින් ශ්රී ලංකාව තුළ පරිණත ඩිජිටල් පරිසර පද්ධතියක් ගොඩනැගීමට මෙම සහයෝගීතාවය මහඟු පිටුවහලක් වනු ඇත.
