මෝටර් රථ ප්රවාහන දෙපාර්තමේන්තුව (DMT) විසින් ජුනි 10 සහ 11 යන දිනවල නාරාහේන්පිට පිහිටි එහි ප්රධාන කාර්යාලය ඉදිරිපිට විශේෂ “වාහන සුසර කිරීමේ දන්සලක්” පැවැත්වීමට කටයුතු සූදානම් කර තිබේ.
ශ්රී ලංකාවේ වාහන ඇණියෙන් බහුතරයක් වන යතුරුපැදි සහ ත්රිරෝද රථ, පවතින ආර්ථික දුෂ්කරතා හේතුවෙන් බොහෝ විට නිසි නඩත්තුවකට ලක් නොවන බවත්, එහි ප්රතිඵලයක් ලෙස වාතයට මුදාහැරෙන හානිකර විමෝචනය ඉහළ ගොස් ඇති බවත් මෝටර් රථ ප්රවාහන දෙපාර්තමේන්තුව පවසයි. මෙම තත්ත්වය මඟහරවා ගැනීම සඳහා මෝටර් රථ වායු විමෝචන භාර අරමුදල විසින් අඛණ්ඩව තුන්වන වරටත් මෙම සුවිශේෂී වැඩසටහන සංවිධානය කර ඇත.
මෙම මුලපිරීම යටතේ යතුරුපැදි සහ ත්රිරෝද රථ හිමිකරුවන්ට දිවයිනේ සිටින වඩාත්ම පළපුරුදු කාර්මික ශිල්පීන් ලවා තමන්ගේ වාහන නොමිලේ සුසර (Tune-up) කරවා ගැනීමට අවස්ථාව හිමි වේ. මේ හරහා වාහනවල ඉන්ධන කාර්යක්ෂමතාව වැඩි දියුණු වන අතර, අනවශ්ය ඉන්ධන පිරිවැය අඩු කරගනිමින් පරිසරයට මුදා හරින හානිකර දුම් අවම කර ගැනීමට වාහන හිමියන්ට හැකි වන බව මෝටර් රථ ප්රවාහන දෙපාර්තමේන්තුව වැඩිදුරටත් සඳහන් කරයි.
