ඉන්දියාවේ පූනේ දිස්ත්රික්කයේ ශිරූර් ප්රදේශයෙන් මානුෂීය ගුණාංගවලින් පිරිපුන් අතිශය සංවේදී පුවතක් වාර්තා වේ. රෝහල වෙත රැගෙන යමින් සිටියදී අතරමඟදී දරු ප්රසූතිය සඳහා වේදනා විඳි ගැබිනි මවකට, මඟියෙකු ලෙස පැමිණි වෛද්යවරියක මැදිහත් වී මහමඟදීම සාර්ථකව දරු ප්රසූතිය සිදු කිරීමට සහාය වීම කාගේත් පැසසුමට ලක්ව තිබේ.
අදාළ ගැබිනි කාන්තාව රෝහල වෙත රැගෙන යන අතරතුර ඇයගේ සෞඛ්ය තත්ත්වය හදිසියේම අයහපත් අතට හැරුණු අතර දරු ප්රසූතිය සඳහා දැඩි වේදනාවන් ඇති විය. රෝහල කරා යාමට තවත් වේලාවක් ගතවන බැවින් ඇය දැඩි අවදානමකට ලක්ව සිටි මොහොතක, එම අවස්ථාව දුටු වෛද්ය සුනීතා පෝටේ (Dr. Sunita Pote) වහාම ක්රියාත්මක විය. කිසිදු වෛද්ය උපකරණයක් නොමැතිව වුවද, සිය වෘත්තීය නිපුණත්වය සහ මානුෂීය හැඟීම පෙරදැරිව ඇය මහමඟදීම දරුවා ප්රසූත කිරීමට එම මවට අවශ්ය වෛද්ය සහාය ලබා දුන්නාය.
වෛද්යවරියගේ මෙම කාලෝචිත මැදිහත්වීම නිසා මව සහ බිළිඳා යන දෙදෙනාම නිරුපද්රිතව බේරා ගැනීමට හැකි විය. “වෛද්යවරයෙකුගේ සැබෑ රාජකාරිය ඕනෑම තැනකදී ජීවිතයක් බේරා ගැනීමයි” යන පණිවිඩය ලොවටම කියා පෑ මෙම සිදුවීම මේ වන විට ඉන්දියාව පුරා මෙන්ම ජාත්යන්තර මාධ්යවල ද මහත් ආන්දෝලනයක් ඇති කර තිබේ. පීඩාවට පත් මවකට පිහිට වූ වෛද්ය සුනීතා පෝටේ මහත්මියට සමාජ මාධ්ය ඔස්සේ දහස් සංඛ්යාත පිරිසක් සිය ප්රණාමය පුද කරමින් සිටිති.
