රටට නව රජයක් අවශ්ය බව අතර ජනතාවගේ මතය විමසීමක් සිදු කල යුතු බව විපක්ෂ නායක සජිත් ප්රේමදාස මහතා පවසයි.
විපක්ෂනායකවරයා මේ බව පැවසුවේ අද (29) කොලඹ පැවැති ජනහමුවකදිය.
රටේ ජනතාවට ජීවත් වීම පවා ගැටලුවක් වී ඇති අවස්ථාවක වත්මන් රජය දේශපාලන සූදුවක නිරත බවත් මේ සූදුව තුළ තෙල්, ගෑස්, කිරිපිටි, පොහොර ගැටලුව අාදී සෑම සියලු දෙනාගේම ගැටලුවලට විසඳුමක් නොමැති බවත් විසඳුම් නොමැති තැන රටට ලබා දෙන පණිවිඩය දේශපාලන සූදුව නොවිය යුතු බවත් මේ දියත්වන දේශපාලන සූදුව මජර දේශපාලන සංස්කෘතියේ ලක්ෂණයක් බවත් මේ තත්ත්වයෙන මිදීම සඳහා රටට නව රජයක් අවශ්ය බවත් එය පෞද්ගලික ගිවිසුමකින් තොර නව වරමක් තුළ ඇති විය යුතු බවත් එය ජනතා මතවිමසුමකින් සිදු විය යුතු බව හෙතෙම පැවසීය.
ලක්ෂ 220ක්වූ ජනතාවගේ ජීවත් වීමේ අහිමි වී ඇති මොහොතක දේශපාලන ඔලු ගෙඩි මාරු වීම්, සංගීත පුටු තරග, මැති ඇමති හුවමාරුකම් ආදී ඩීල් සංස්කෘතිය තවදුරටත් වර්ධනය වෙමින් ඉදිරියට යන තත්ත්වයක් තුළ මේ රටේ ජනතාවගේ මූලික අවශ්යතාවන් සම්පුර්ණ කිරීමට වත්මන් රජයට හැකියාව නොලැබී ඇති බවත් රජයේ ප්රමුඛාව වී ඇත්තේ ඔවුන් ස්ථාවර වීම බවත් රටේ ජනතාවගේ ජීවිත ස්ථාවර නොකිරීම බවත් විපක්ෂනායකවරයා පැවසීය.
ලෝක බැංකුව, ෆිච් ශ්රේණිගත කිරීමේ ආයතනය මෙන්ම සමන්තා පවර් වැනි විවිධ රාජ්ය තාන්ත්රිකයන් පැහැදිලිව කියන්නේ රට ගොඩනැගීමට රටේ ස්ථාවරත්වය ශක්තිමත් විය යුතු බවත් එහිදී සාර්ව ආර්ථික රාමුවක් පැවතිය යුතු බවත් මේ රාමුව සකසන්නේ නැතිව රජයේ සාමාජිකයන් පසුගිය මාස කිහිපයේ සිදු කළ දේ සම්බන්ධයෙන් ගැටලුවක් ඇති බවත් පැවසූ විපක්ෂ නායකවරයා වැඩිදුරටත් කියා සිටියේ මේ තත්ත්වයෙන් රට ගොඩනැගිය හැක්කේ නව ජනවරමකින් පමණක් බව පැවසීය. ඒ සඳහා ගෞරවනීය මහානායක හිමිපානන් වහන්සේලා ප්රමුඛ අනෙකුත් ආගමික නායකයන් ද ඉල්ලන නව ජනවරමකට යා යුතු බවත් මේ දේශපාලන සූදුව නතර කළ යුතු බවත් පැවසූ විපක්ෂ නායකවරයා කියා සිටියේ තනතුරු බෙදා ගැනීමෙන් ලක්ෂ 220කගේ දුක් කඳුළු වේදනාවලට විසදුම් නොලැබෙන බවයි.
