තමා සිය පෞද්ගලික මූල්ය කටයුතු සමඟ කිසිදු සම්බන්ධයක් නොමැති බව අමෙරිකානු ජනාධිපති ඩොනල්ඩ් ට්රම්ප් අද (ජූලි 01) ප්රකාශ කළේය. සිය පවුලට අයත් ක්රිප්ටෝ ව්යාපාරවලින් ඩොලර් බිලියන 1.4කට අධික ආදායමක් ලැබී ඇති බව වාර්තා වීමෙන් පසු ඔහු මේ බව සඳහන් කළේය.
ජනාධිපතිවරයා මේ බව පැවසුවේ උතුරු ඩැකෝටා බලා පිටත්ව යාමට පෙර ජොයින්ට් බේස් ඇන්ඩෲස් හිදී මාධ්යවේදීන් හමුවේ අදහස් දක්වමිනි.
“මම ඒ දේවල්වලට සම්බන්ධ වෙන්නේ නැහැ… මගේ මුදල් කළමනාකරණය සඳහා වෙනම අරමුදල් පද්ධතියක් තිබෙනවා,” යනුවෙන් ඔහු වැඩිදුරටත් පැවසීය.
අමෙරිකානු රජයේ ආචාරධර්ම කාර්යාලය වෙත ඉදිරිපත් කළ ඔහුගේ 2025 වාර්ෂික මූල්ය හෙළිදරව් කිරීම්වලට අනුව, ඔහු සහ ඔහුගේ පුතුන් විසින් සම-ආරම්භ කරන ලද ‘වර්ල්ඩ් ලිබර්ටි ෆිනෑන්ෂල්’ (World Liberty Financial) නම් ක්රිප්ටෝ ව්යාපාරයෙන් ඔහුගේ සමාගම් වෙත ඩොලර් මිලියන 800ක් පමණ ලැබී ඇත. මේ වන විට අමෙරිකානු කොටස් වෙළෙඳපොළ ඉහළ යාම හේතුවෙන් බොහෝ දෙනෙකු ලාභ ලබන බවද ජනාධිපතිවරයා පෙන්වා දුන්නේය.
