ශ්රී ලංකා නාවික හමුදාවේ 27 වන නාවික හමුදාපති ලෙස පත් වූ වයිස් අද්මිරාල් ඩේමියන් ප්රනාන්දු මහතා අද (01) ආරක්ෂක අමාත්යාංශයේදී ආරක්ෂක ලේකම්, එයාර් වයිස් මාර්ෂල් (විශ්රාමික) සම්පත් තුයියකොන්තා මහතා නිල වශයෙන් හමු විය.
ශ්රී ලංකා නාවික හමුදාවේ නව නාවික හමුදාපතිවරයා ලෙස වැඩ භාරගැනීමෙන් පසු, එතුමා ආරක්ෂක ලේකම්වරයා හමු වූ පළමු නිල අවස්ථාව මෙය වේ.
මෙහිදී, නව නාවික හමුදාපතිවරයා උණුසුම් අයුරින් පිළිගත් ආරක්ෂක ලේකම්වරයා, එතුමාගේ නව පත්වීම වෙනුවෙන් සිය සුබ පැතුම් පිරිනැමීමට කටයුතු කළේය.
ශ්රී ලංකා නාවික හමුදාවේ මෙහෙයුම් විශිෂ්ටත්වය සහ සම්ප්රදායන් තවදුරටත් ඉදිරියට ගෙනයමින්, උසස් වෘත්තීය භාවය, කැපවීම සහ උපාය මාර්ගික දැක්මකින් යුතුව නාවික හමුදාව මෙහෙයවීමට නව නාවික හමුදාපතිවරයාට ඇති හැකියාව පිළිබඳව ද ආරක්ෂක ලේකම්වරයා මෙහිදී දැඩි විශ්වාසය පළ කළේය.
