විෂ මත්ද්රව්ය සමඟ චීවරධාරීන් පිරිසක් අත්අඩංගුවට පත්වීමේ සිදුවීම සහ ඒ ආශ්රිත විමර්ශන පිළිබඳව සොයා බැලීම සඳහා ජනාධිපති අනුර කුමාර දිසානායක මහතා සහ ත්රෛනිකායික මහා සංඝරත්නය අතර විශේෂ සාකච්ඡාවක් අද (28) ජනාධිපති කාර්යාලයේදී පැවැත්විණි. මත්ද්රව්ය උවදුර ජාතික ව්යසනයක් බවට පත්ව ඇති බව පෙන්වා දුන් ජනාධිපතිවරයා, රටේ හර පද්ධතිය සහ සම්බුද්ධ ශාසනය ආරක්ෂා කර ගැනීම රජයේ ප්රමුඛ අභිප්රාය බව මෙහිදී අවධාරණය කළේය. මහානායක හිමිවරුන් මේ සම්බන්ධයෙන් නිකුත් කර ඇති නිවේදනය සමස්ත සංඝ සමාජයේ පණිවිඩය ලෙස සලකා කටයුතු කරන ලෙසත්, ශාසනය ආරක්ෂා කර ගැනීමට රජයේ සහාය අත්යවශ්ය බවත් මහා සංඝරත්නය මෙහිදී පෙන්වා දුන්හ. සිද්ධියට අදාළ විමර්ශන ප්රගතිය පිළිබඳ පොලිස්පතිවරයා කරුණු පැහැදිලි කළ අතර, විහාර දේවාලගම් පනත සංශෝධනය ඇතුළු ශාසනික චිරස්ථිතිය වෙනුවෙන් ගත යුතු නෛතික පියවර පිළිබඳවද මෙහිදී දීර්ඝ වශයෙන් සාකච්ඡා විය.
