ඩුබායිහිදී අත්අඩංගුවට ගෙන මෙරටට පිටුවහල් කළ කුප්රකට සංවිධානාත්මක අපරාධකරුවෙකු වන රංජිත් කුමාර හෙවත් ‘කොණ්ඩ රංජි’ කටුනායක ගුවන්තොටුපොළේදී අපරාධ පරීක්ෂණ දෙපාර්තමේන්තුව (CID) මඟින් අත්අඩංගුවට ගෙන තිබේ. ඉරාන ප්රහාරයක දර්ශන ජංගම දුරකථනයෙන් හුවමාරු කිරීමේ සිද්ධියක් මුල් කරගනිමින් ඩුබායි ආරක්ෂක අංශ භාරයට පත්වූ මෙම සැකකරු, මීට පෙර ඉතාලියට පලායාමට උත්සාහ කිරීමේදී එරට ජාත්යන්තර පොලිස් රතු වරෙන්තු මත අත්අඩංගුවට පත්වූවෙකි.
පොලිස් ප්රශ්න කිරීම් හමුවේ තමා ඩුබායිහිදී ජල බෝතල් අලෙවි ව්යාපාරයක් පවත්වා ගනිමින් ගෝල්ඩන් වීසා බලපත්රයක් ලබාගත් බව පවසා ඇති සැකකරු, තමන් පැළඳ සිටි රන් ආභරණ ලෙස පෙනުනඟි ඒවා චීනයේ නිෂ්පාදිත ව්යාජ රත්රන් බවටද හෙළිකර ඇත. කෙසේ වෙතත්, හිටපු අමාත්ය මංගල සමරවීර මහතාගේ පෞද්ගලික ලේකම්වරයා ඝාතනය කිරීමේ සිද්ධිය ඇතුළු බරපතල අපරාධ රැසක් සම්බන්ධයෙන් ඔහුට චෝදනා එල්ල වී ඇති අතර, මේ වන විට බස්නාහිර උතුර අපරාධ කොට්ඨාසය වෙත භාර දී ඇති ඔහුගෙන් පැය 72ක රැඳවුම් නියෝග මත වැඩිදුර ප්රශ්න කිරීම් සිදුකරමින් පවතී.
මෙරට අපරාධ පරීක්ෂණ අංශ වෙත නිසි පූර්ව දැනුම්දීමකින් තොරව පිටුවහල් කරනු ලැබූ මෙම පාතාල සාමාජිකයාගේ ක්රියාකාරකම් සහ ජාත්යන්තර සබඳතා පිළිබඳව මේ වන විට පුළුල් විමර්ශන ක්රියාත්මක වේ. සංවිධානාත්මක අපරාධ ජාලයන් සහ මත්ද්රව්ය ජාවාරම්කරුවන් විදෙස් රටවල රඳවාගෙන සිටියදී මෙරටට ගෙන්වා නීතිය ක්රියාත්මක කිරීමේ ක්රියාවලිය තුළ මෙම අත්අඩංගුවට ගැනීම විශේෂ සන්ධිස්ථානයක් ලෙස සැලකෙන අතර, ඉදිරි විමර්ශන හරහා තවත් තොරතුරු රැසක් අනාවරණය වනු ඇතැයි අපේක්ෂා කෙරේ.
