අධ්‍යාපන ඇමැති සුසිල් ‘Commonwealth Of Learning 40 වැනි පාලක මණ්ඩල රැස්වීමට සහභාගි වෙයි
අධ්‍යාපන අමාත්‍ය ආචාර්ය සුසිල් ප්‍රේමජයන්ත මැතිතුමා කැනඩාවේ පැවති ‘Commonwealth Of Learning (COL)” 40 වැනි පාලක මණ්ඩල රැස්වීමට සහභාගී වු බව අධ්‍යාපන අමාත්‍යංශය පවසයි.
ඒ සඳහා අමාත්‍යවරයා පසුගිය ජුනි 28 සහ 29 දෙදින තුළ සහභාගී වු අතර ‘Commonwealth Of Learning (COL)” යනු කැනඩාවේ මූලස්ථානය සහිත ජාත්‍යන්තර සංවිධානයක් වන අතර විවෘත ඉගෙනුම් සහ දුරස්ථ අධ්‍යාපන සම්පත් හා තාක්ෂණයන් සංවර්ධනය කිරිම සහ හුවමාරු කරගැනීම දිරිමත් කිරීම සඳහා පොදු රාජ්‍ය මණ්ඩලීය රාජ්‍ය ප්‍රධානීන් විසින් නිර්මාණය කරන ලද ආයතනයකි.
අමාත්‍යවරයා එම ආයතනයේ පාලක මණ්ඩලයේ ආසියානු කලාපීය නියෝජිතයා වන අතර මෙම වසරේ අප්‍රේල් මාසයේ දී ඒ සඳහා තෝරා පත් කර ගැනිණි. ශ්රී ලංකාවේ ගුණාත්මක අධ්‍යාපනය ප්‍රවේශය වැඩි දියුණු කිරීම සම්බන්ධයෙන් එම ආයතනයේ අවධානය යොමු කිරීමට ද අමාත්‍යවරයාට හැකි විය.