ජාතික හැඳුනුම්පතක් නොමැතිකම හේතුවෙන් රජය මගින් ලබා දෙන මාසික වැඩිහිටි දීමනාව අහිමි වී සිටි අඩු ආදායම්ලාභී පවුල්වල ජ්යෙෂ්ඨ පුරවැසියන් වෙනුවෙන් කඩිනම් සහන වැඩසටහනක් ක්රියාත්මක කිරීමට බලධාරීන් පියවර ගෙන ඇත. ජාතික වැඩිහිටි මහලේකම් කාර්යාලය, පුද්ගලයන් ලියාපදිංචි කිරීමේ දෙපාර්තමේන්තුව සහ රෙජිස්ට්රාර් ජනරාල් දෙපාර්තමේන්තුව ඒකාබද්ධව මෙම වැඩසටහන දියත් කරනු ලබන්නේ, සමාජ ආරක්ෂණ ජාලය තුළ වැඩිහිටි ප්රජාවට හිමි විය යුතු අයිතිවාසිකම් කිසිදු බාධාවකින් තොරව තහවුරු කිරීමේ අරමුණින්ය.
වයස අවුරුදු 70ට වැඩි ජ්යෙෂ්ඨ පුරවැසියන් ඉලක්ක කරගනිමින් ක්රියාත්මක මෙම සුබසාධන වැඩපිළිවෙළ ඔස්සේ, මීට පෙර පැවති රුපියල් 3,000ක දීමනාව රුපියල් 5,000ක් දක්වා ඉහළ නංවා ප්රතිලාභීන් සංඛ්යාව මිලියනයක් දක්වා පුළුල් කිරීමට රජය තීරණය කර තිබේ. දැනටමත් අස්වැසුම ගිණුම් සහ තැපැල් කාර්යාල හරහා දීමනා ලබා ගන්නා 930,000කට අධික පිරිසක් සිටියද, හැඳුනුම්පතක් නොමැතිකම වැනි තාක්ෂණික ගැටලු හේතුවෙන් තවදුරටත් එම සහනයෙන් බැහැරව සිටින අසරණ වැඩිහිටියන් හඳුනාගෙන ඔවුන්ව පද්ධතිය තුළට ඇතුළත් කිරීම මෙම මෙහෙයුමේ මූලික අරමුණ වී ඇත.
එමනිසා, නිසි ලියකියවිලි නොමැතිකම මත දීමනාව අහිමිව ඇති ජ්යෙෂ්ඨ පුරවැසියන් කඩිනමින් තම ප්රදේශයේ ග්රාම නිලධාරීවරයා, ප්රජා සවිබලගැන්වීමේ නිලධාරීවරයා හෝ වැඩිහිටි හිමිකම් ප්රවර්ධන නිලධාරීවරයා හමුවී අවශ්ය මගපෙන්වීම් ලබා ගන්නා ලෙස ජාතික වැඩිහිටි මහලේකම් කාර්යාලය දැනුම් දෙයි. මෙම ක්රියාවලිය හරහා පරිපාලනමය බාධක ඉවත් කරමින් සුබසාධන දීමනා බෙදාහැරීමේ විනිවිදභාවය සහ කා
