ඒරාවුර් ප්රදේශයේදී සිය 11 හැවිරිදි සහෝදරිය ඝාතනය කිරීමේ සිද්ධියක් සම්බන්ධයෙන් 14 හැවිරිදි සිසුවෙකු ඒරාවුර් පොලිසිය විසින් අද (30) අත්අඩංගුවට ගෙන ඇත.
මෙලෙස ඝාතනයට ලක්ව ඇත්තේ ඒරාවුර් පදිංචි සත්යානන්දන් සදීෂා නමැති දැරියයි. පසුගිය 28 වැනිදා ඇයගේ මළ සිරුර නිවසේ නානකාමරයේ තිබූ ජල ටැංකියක තිබී සොයාගෙන තිබුණි.
මූලික විමර්ශනවලදී අනාවරණය වී ඇත්තේ, ජංගම දුරකථනයක් ලබා නොදීම හේතුවෙන් ඇති වූ බහින්බස්වීමක් දුරදිග යාමෙන් මෙම ඝාතනය සිදු කර ඇති බවයි. සිදුවීම සිදුවන අවස්ථාවේ දරුවන්ගේ මව විදේශගතව සිට ඇති අතර පියා රැකියාව සඳහා වෙනත් ප්රදේශයකට ගොස් සිට ඇත.
පියා නිවසට පැමිණ දැරිය ජල ටැංකියේ සිහිසුන්ව වැටී සිටිනු දැක රෝහල් ගත කළද, ඇය ඒ වන විටත් මියගොස් සිටි බව වෛද්යවරුන් ප්රකාශ කර තිබේ. පසුව පොලිසිය විසින් සිදුකළ ප්රශ්න කිරීම් හමුවේ 14 හැවිරිදි සහෝදරයා තමන් මෙම ඝාතනය සිදු කළ බව පිළිගෙන ඇත.
සැකකාර සිසුවා අත්අඩංගුවට ගෙන ඇති අතර ඒරාවුර් පොලිසිය සිද්ධිය සම්බන්ධයෙන් වැඩිදුර විමර්ශන පවත්වයි.
