චීන සමාගම් විසින් සිය ‘එක් තීරයක් – එක් මාවතක්’ (Belt and Road) ව්යාපෘතිය යටතේ ඊජිප්තුව, බහරේනය සහ තායිලන්තය වැනි රටවල නිෂ්පාදනය කර යුරෝපයට එවනු ලබන ‘ග්ලාස් ෆයිබර්’ (Glass Fibre) සඳහා නව ප්රති-බදු (Anti-dumping duties) පැනවීමට යුරෝපා කොමිසම බදාදා පියවර ගත්තේය. චීනයේ නිල නිෂ්පාදනයක් ලෙස ලේබල් නොකර වෙනත් රටවල් හරහා භාණ්ඩ එවමින් යුරෝපා සංගමයේ වෙළඳ බදු මඟහැරීමට චීනය දරන උත්සාහය මැඩපැවැත්වීම මෙහි ප්රධාන අරමුණයි.
යුරෝපයේ පුනර්ජනනීය බලශක්ති ක්ෂේත්රයට අත්යවශ්ය අමුද්රව්යයක් වන මෙම භාණ්ඩ සඳහා 11% සිට 25.4% දක්වා අගයකින් යුත් බදු පැනවීමට බ්රසල්ස් පාලනය තීරණය කර ඇත. චීන රජයේ දැඩි සහනාධාර ලබන හෝ නිෂ්පාදන පිරිවැයටත් වඩා අඩු මිලට යුරෝපා වෙළඳපොළට මුදාහරින මෙවැනි භාණ්ඩවලින් දේශීය කර්මාන්ත ආරක්ෂා කර ගැනීම මෙහි අරමුණ වුවද, මෙම පියවර ප්රමාණවත් නොවන බවට එරට වෘත්තීය සමිති අනතුරු අඟවයි.
