යුරෝපා සංගමය තුළ පදිංචි වී සිටින සංක්රමණිකයන් සංඛ්යාව 2025 වසරේදී මිලියන 64.2ක් දක්වා ඉහළ ගොස් ඇති අතර, එය මෙතෙක් වාර්තා වූ ඉහළම අගය බව බර්ලින්හි සංක්රමණ පර්යේෂණ සහ විශ්ලේෂණ මධ්යස්ථානය (RFBerlin) නිකුත් කළ නවතම වාර්තාවක දැක්වේ. මෙය පෙර වසරට සාපේක්ෂව මිලියන 2.1ක පමණ සැලකිය යුතු වර්ධනයකි.
2010 වසරේදී මිලියන 40ක් ලෙස පැවති මෙම සංඛ්යාව වසර 15ක් ඇතුළත වේගයෙන් ඉහළ ගොස් ඇති බව යුරෝස්ටැට් (Eurostat) සහ එක්සත් ජාතීන්ගේ සරණාගත ඒජන්සියේ දත්ත ඇසුරින් සකස් කළ මෙම වාර්තාව පෙන්වා දෙයි. යුරෝපා සංගමයේ රටවල් අතරින් වැඩිම සංක්රමණිකයන් පිරිසකට සෙවණ සලසා දී ඇත්තේ ජර්මනිය වන අතර, එරට වෙසෙන විදේශිකයන් සංඛ්යාව මිලියන 18කට ආසන්න වේ. ඉන් 72%ක්ම රැකියා කළ හැකි වයස් කාණ්ඩයේ පසුවන්නන් වීම විශේෂත්වයකි. මේ අතර ස්පාඤ්ඤය ද පසුගිය වසරේදී සංක්රමණිකයන් 700,000ක් අලුතින් එක් කරගනිමින් සිය විදේශීය ජනගහනය මිලියන 9.5 දක්වා ඉහළ නංවා ගෙන තිබේ.
