අමෙරිකාව සහ ඊශ්රායලය සම්බන්ධ වී ඉරානය සමඟ පවතින යුදමය ගැටුම් හේතුවෙන් ලෝක නාවික සහ ගුවන් ප්රවාහන ක්ෂේත්රයේ හටගෙන ඇති අවහිරතා, යුරෝපීය සැපයුම් (Logistics) සමාගම්වල පළමු කාර්තුවේ ලාභය ඉහළ යාමට හේතු වී තිබේ. සැපයුම් දාමයන්හි පවතින සංකීර්ණත්වය සහ නාවික ගමන් මාර්ග වෙනස් වීම හේතුවෙන් DHL, DSV සහ Kuehne+Nagel වැනි දැවැන්ත සමාගම්වල ලාභාංශ මෙලෙස වර්ධනය වී ඇති බව මූල්ය විශ්ලේෂකයෝ පෙන්වා දෙති.
විශේෂයෙන්ම මුහුදු මාර්ගවල පවතින අවදානම හේතුවෙන් භාණ්ඩ ප්රවාහනය සඳහා ගුවන් මාර්ග (Airfreight) වැඩි වශයෙන් භාවිතා කිරීමට ව්යාපාරිකයන් පෙළඹී ඇති අතර, එය DHL වැනි සමාගම්වලට විශාල වාසියක් වී තිබේ. කෙසේ වෙතත්, දිගුකාලීනව පවතින බලශක්ති අර්බුදය සහ ලෝක ආර්ථිකයට එල්ල වන බලපෑම් හේතුවෙන් වසරේ ඉදිරි කාලය තුළ භාණ්ඩ සඳහා පවතින ඉල්ලුම පහත වැටී මෙම වර්ධනය අඩාල විය හැකි බවට ද ආර්ථික විශේෂඥයෝ අනතුරු අඟවති.
