යුරෝපා සංගමයේ 2028-2034 බහුවිධ මූල්ය රාමුව (MFF) හෙවත් ඉදිරි අයවැය සම්බන්ධයෙන් යුරෝපා පාර්ලිමේන්තුව සිය නිල ස්ථාවරය ප්රකාශයට පත් කර ඇති අතර එහිදී යුරෝපා කොමිසම විසින් මීට පෙර ඉදිරිපත් කරන ලද යුරෝ ට්රිලියන 2කට ආසන්න අයවැය යෝජනාවට වඩා සියයට 10ක වැඩිවීමක් ඉල්ලා තිබේ. මෙම නව අයවැය යෝජනාව යටතේ සංගති සහ කෘෂිකාර්මික ප්රතිපත්ති, තරඟකාරිත්වය හා ආරක්ෂාව මෙන්ම බාහිර ක්රියාකාරීත්වය යන ප්රධාන ක්ෂේත්ර තුන කෙරෙහි වැඩි අවධානයක් යොමු කිරීමට අපේක්ෂිතය. ඒ අනුව පොදු කෘෂිකාර්මික ප්රතිපත්තිය (CAP) සඳහා යුරෝ බිලියන 385.12ක් සහ සංගති ප්රතිපත්ති සඳහා යුරෝ බිලියන 274.34ක මුදලක් වෙන් කිරීමට යෝජනා වී ඇති අතර ආර්ථික තරඟකාරිත්වය සහ ආරක්ෂක අංශ ශක්තිමත් කිරීමට ද ප්රමුඛතාව ලබා දී ඇත. මීට අමතරව වාර්ෂිකව යුරෝ බිලියන 60ක ආදායම් ඉලක්කයක් සපුරා ගැනීමටත්, NextGenerationEU ණය පියවීම් සඳහා වන යුරෝ ට්රිලියන 149.3ක මුදල වියදම් සීමාවන්ගෙන් බැහැරව තැබීමටත් යෝජනා වී තිබේ. වඩාත් ප්රබල සහ ස්වාධීන යුරෝපයක් ගොඩනැගීම වෙනුවෙන් මෙම අතිරේක ප්රතිපාදන අත්යවශ්ය බව යුරෝපා පාර්ලිමේන්තුවේ බහුතර මනාපය වී ඇත.
