2006 අංක 6 දරන මූල්ය ගනුදෙනු වාර්තා කිරීමේ පනතේ 19(1) සහ 19(2) වගන්ති යටතේ, ශ්රී ලංකා මූල්ය බුද්ධි ඒකකය විසින් 2025 ඔක්තෝබර් මස සිට 2026 මාර්තු මස දක්වා වූ කාලපරිච්ඡේදය තුළ වාර්තාකරණ ආයතනවල අනුකූලතාව බලාත්මක කිරීම සඳහා සමස්ත රුපියල් ලක්ෂ එකසිය හතළිස් හයක (රු. 14,600,000.00) දණ්ඩන මුදලක් අය කර ඒකාබද්ධ අරමුදලට බැර කර ඇත. මෙම කාලසීමාව තුළ සිටිසන්ස් ඩිවලොප්මන්ට් බිස්නස් ෆිනෑන්ස් පීඑල්සී (Citizens Development Business Finance PLC) ආයතනය වෙතද 2025.12.30 දිනැතිව රුපියල් 3,000,000.00 ක (රුපියල් මිලියන තුනක) පරිපාලනමය දණ්ඩනයක් පනවා තිබේ. 1968 අංක 45 දරන එක්සත් ජාතීන්ගේ පනතට අනුකූලව, නව ව්යාපාරික සම්බන්ධතාවයක් ආරම්භ කිරීමට පෙර කිසිදු ගනුදෙනුකරුවකු, එක්සත් ජාතීන්ගේ ආරක්ෂක මණ්ඩල යෝජනා (UNSCRs) යටතේ නිකුත් කරන ලද නම් කරන ලද ලැයිස්තුවක ඇතුළත් නොවන බව ඵලදායී ලෙස සත්යාපනය කිරීමට සමාගම අපොහොසත් වීම සහ එවැනි ලැයිස්තු යාවත්කාලීන වන විට පවතින පාරිභෝගික දත්ත සමුදාය ඵලදායී ලෙස පරීක්ෂා නොකිරීම.පද්ධති සහ ක්රියා පටිපාටිවල ඉහත සඳහන් දුර්වලතා හේතුවෙන්, 2012 අංක 1 දරන එක්සත් ජාතීන්ගේ නියෝග (UNSCR 1373) යටතේ නම් කරන ලද පුද්ගලයින් තිදෙනෙකු (3) සමඟ සමාගම ව්යාපාරික සබඳතා ස්ථාපිත කර පවත්වාගෙන ගිය බව පැන්ත පරීක්ෂණයේදී අනාවරණය වීම.නම් කරන ලද පුද්ගලයින් සතුව ඇති සියලුම අරමුදල්, අනෙකුත් මූල්ය සම්පත් සහ ආර්ථික සම්පත් අත්හිටුීමට සමාගම අපොහොසත් වීම.එවැනි ගනුදෙනුකරුවකු නම් කරන ලද පුද්ගලයකු ලෙස හඳුනාගත් අවස්ථාවේ සිට පැය 24 ක් නොඉක්මවන කාලයක් තුළ මූල්ය බුද්ධි ඒකකය වෙත දැනුම් දීමට සහ එම සන්නිවේදනයේ පිටපතක් නිසි බලධාරියා වෙත යොමු කිරීමට අපොහොසත් වීම.ඉහත අනුකූල නොවීම්, ඉලක්ගත/ හදිසි පැන්ත පරීක්ෂණයකදී හඳුනා ගන්නා ලදී.
