පුස්තකාලයේ, විශේෂ විමර්ශන කටයුතු සදහා පමණක් භාවිතා කල හැකි පොත් සහ ලේඛන වලින් සමන්විත, ( Ceylon Room) නමින් නම්කල, විමර්ශනය සදහා පමණක් (Only for Reference) ඒකකයක් පවත්වාගෙන යන අතර මෙහි තැන්පත් කර තිබෙන, ඇතැම් විට එක් පිටපතක් පමණක් තිබෙන, දුර්ලභ පොත්, යම් විද්යාර්ථියෙකුට වුවද, පරිශීලනය කල හැක්කේ එම ස්ථානයේදී පුස්තකාල කාර්ය මණ්ඩලයේ අධික්ෂණයට යටත්වය.
මෙම දුර්ලභ පොත් කිසිදු හේතුවක් මත කිසිදු පුද්ගලයෙකුට බැහැර ගෙනයාමට ඉඩ ලබා දෙන්නේ නැත. කෙසේ වෙතත් පේරාදෙණිය විශ්වවිද්යාලයේ හිටපු උපකුලපති මහදුරාවේ ළමාවංශ විසින් පසුගිය කාලයේ මෙම ඒකකයේ තිබූ පහත සදහන් පොත් හතර ඔහුගේ බලය අවභාවිතා කරමින් බැහැර ගෙන ගොස් තිබෙන බව පුස්තකාලයාධිපති මහේෂ්වරන් විසින් ළමාවංශ වෙත යොමුකල ඊ මේල් පණිවුඩයක් මගින් හෙලිදරව්වී ඇත.
1. Peradeniya: memories of a University / K. M. De. Silva
2. Pera 60 – University of Ceylon.
3. The Kandy Road / by Sir William Ivor Jennings ; Edited by Dr. H. A. I. Goonetileke
4.. University of Ceylon : University of Peradeniya Golden Jubilee Souvenir 1942 – 1992 – University of Peradeniya
මෙම පොත් හතර මේ වන තෙක් නැවත භාරදී නොමැති බව දැනගන්නට ඇති අතර එම දුර්ලභ සහ මිල කල නොහැකි පෞරාණික වටිනාකමකින් යුතු පොත් හතර වෙනුවට, එහි ෆොටෝ කොපි පිටපත් ඇතුලත් කර, අපරාධය වසං කිරීමට, හිටපු උපකුලපති මහදුරාවේ ළමාවංශ විසින් උත්සාහ කරන බවටද තොරතුරු දැනගන්නට ඇත.
