දෙස් විදෙස් සංවිධානය වලින් බොරු චෝදනා කරලා තමා ඇතුළු පිරිස බලයෙන් ඉවත් කිරීමට කටයුතු කරන බවත් මෙම මැයි රැළිය තීරණාත්මක බව හිටපු ජනාධිපති මහින්ද රාජපක්ෂ මහතා පවසයි. ඒ මහතා මේ බව පැවසුවේ බොරුල්ල කැම්බල් පිටියේ පැවැති පොදු ජන පෙරමුණේ මැයි රැළිය අමතමිනි.
එළැඹෙන ජනාධිපතිවරණයෙන් පස්සේ මේ රට ගමන් කරන්නේ කොයිබට ද යන්න මැයි රැළිය තීරණාත්මකයි.
එහිදී ඒ මහතා පැවසුවේ එදත් අදත් කම්කරුවන් එක්ක හිටපු එකම පක්ෂය පොදු ජන පෙරමුණ බවයි. එසේම අද කම්කරුවා හෙට වෘත්තිකයින් වශයෙන් සමාජයට එකතු වන බවත් එය අනුව රටට ඉදිරියට ගමන් කරන බව හෙතෙම පැවසිය.
බලය ඇති කාලයේ මෙන්ම බලය නැති කාලෙත් අපි කම්කරුවා සමඟ සිටි බව රාජපක්ෂ මහතා කියා සිටියේය. සමහරුන්ට කම්කරුවා සිහිපත් වෙන්නේ කම්කරු දිනයට පමණක් බව රාජපක්ෂ මහතා සිහිපත් කලේය.වැඩ බිමේ කම්කරුවා අප සමඟ බවත් කයිවාරු ගහන උදවිය දන්නේ නෑ කම්කරුවාගේ බලය තියෙන්නේ පොදු ජන පෙරමුණ සමඟයි.
එසේම එළැඹෙන ජනාධිපතිවරණයේ ජය ලබන්නේ අපේ පක්ෂයේ ආශීර්වාදය ඇතිව ඉදිරිපත් කරන අපේක්ෂකයා පමණක් බව ඉතා විශ්වාසයෙන් පවසන බව මහින්ද රාජපක්ෂ මහතා වැඩිදුරටත් කියා සිටියේය.
