ප්රංශයේ දැඩි මතධාරී ‘ජාතික ජනරාල’ පක්ෂයේ ජනාධිපති අපේක්ෂිකා මරීන් ලේ පෙන් සහ පක්ෂ සභාපති ජෝර්ඩන් බාඩෙල්ලා විසින් රුසියාවට එරෙහිව දැඩි ප්රකාශයක් නිකුත් කරමින්, තර්ජන හෝ මානසික බලපෑම් එල්ල කරමින් ප්රංශයේ රාජ්ය ප්රතිපත්ති පාලනය කිරීමට රුසියාවට කිසිසේත්ම ඉඩ නොතබන බව ප්රකාශ කර තිබේ.
යුරෝපය පුරා රුසියානු බුද්ධි අංශ මගින් සිදුකරන බවට චෝදනා එල්ල වන දෙමුහුන් සහ අස්ථාවර කිරීමේ මෙහෙයුම් හෙළා දකිමින් ඔවුන් සඳහන් කර ඇත්තේ, යුක්රේනයට ආධාර කිරීම සම්බන්ධයෙන් ප්රංශය තුළ ප්රජාතන්ත්රවාදී සංවාද පැවැත්වීම සාධාරණ වුවද, විදේශීය බලපෑම් සහ තර්ජන අනුමත කළ නොහැකි බවයි. කෙසේ වෙතත්, මෙම චෝදනා සම්පූර්ණයෙන්ම ප්රතික්ෂේප කරමින් ක්රෙම්ලින් ප්රකාශක දිමිත්රි පෙස්කොව් සඳහන් කර ඇත්තේ රුසියාව ප්රංශයට හෝ යුරෝපයේ වෙනත් කිසිදු රටකට තර්ජනයක් නොවන බවත්, බරපතල අර්බුදයක් නිර්මාණය වන ආකාරයේ කිසිදු ආරවුලක් රුසියාව සහ යුරෝපීය රාජ්යයන් අතර නොමැති බවත්ය.
