ප්රංශයේ පැරිස් නුවර පිහිටි බැංකු ඔෆ් ඇමරිකා (Bank of America) මූලස්ථානය ඉදිරිපිට පුපුරණ ද්රව්ය අටවා විනාශ කිරීමට දැරූ උත්සාහයක් සම්බන්ධයෙන් තවත් පුද්ගලයින් දෙදෙනෙකු අත්අඩංගුවට ගැනීමට ප්රංශ පොලීසිය සමත්ව තිබේ. සුප්රකට චැම්ප්ස් එලිසේ (Champs-Élysées) වීදිය ආසන්නයේ පිහිටි මෙම බැංකු පරිශ්රය ඉලක්ක කර අද (29) අලුයම මෙම ප්රහාරය එල්ල කිරීමට සැලසුම් කර තිබුණි.
ප්රංශ පොලීසිය පවසන පරිදි, දියර ඉන්ධන ලීටර් පහක් සහ ජ්වලන පද්ධතියක් යොදාගෙන නිපදවන ලද බෝම්බයක් අටවා එය දැල්වීමට උත්සාහ කළ පුද්ගලයෙකු එම අවස්ථාවේදීම අත්අඩංගුවට ගෙන ඇත. අත්අඩංගුවට ගත් ප්රධාන සැකකරු ප්රකාශ කර ඇත්තේ ‘ස්නැප්චැට්’ (Snapchat) යෙදුම හරහා හඳුනාගත් පුද්ගලයෙකු විසින් යුරෝ 600ක මුදලකට මෙම ප්රහාරය එල්ල කිරීම සඳහා තමන්ව බඳවා ගත් බවයි. සැකකරු බෝම්බය අටවන අවස්ථාවේදී ඔහුගේ සගයෙකු එය වීඩියෝ කිරීමට සූදානම්ව සිටි බව ද අනාවරණය වී තිබේ.
මැදපෙරදිග කලාපයේ පවතින යුදමය වාතාවරණය හමුවේ යුරෝපීය රටවල් දැඩි ආරක්ෂක විධිවිධාන අනුගමනය කරන පසුබිමක මෙම ප්රහාරය ව්යර්ථ කිරීමට හැකිවීම සුවිශේෂී ජයග්රහණයක් බව ප්රංශ අභ්යන්තර කටයුතු අමාත්යවරයා සඳහන් කළේය. ප්රංශයේ තේරස්ත විරෝධී ඒකකය (DGSI) සහ අධිකරණ පොලීසිය එක්ව මෙම සිද්ධිය තේරස්තවාදී කුමන්ත්රණයක් ලෙස සලකා පුළුල් විමර්ශනයක් ආරම්භ කර ඇත.
