නීති සම්පාදන ක්රියාවලිය සම්පූර්ණයෙන්ම ඒකාධිපති සහ උද්ධච්ඡ ව්යවහාරයක් බවට පත්ව ඇතැයි ෆ්රී ලෝයර්ස් සංවිධානයේ කැඳවුම්කරු රජිත් කීර්ති තෙන්නකෝන් පවසයි.
ආණ්ඩුව මේ ආකාරයෙන් ඒකාධිපති ප්රවේශයක් ලබාගෙන ඇත්තේ දිනෙන් දින විනාශ මුඛයට යමින් පවතින ආර්ථික අර්බුදයත්, ඉහළ යන උද්ධමනය සහ වර්ධනය වන වෙළඳ හිඟය වැනි බරපතළ ආර්ථික අභියෝග යටපත් කරමින් ජනතාවගේ අවධානය වෙනතකට යැවීමේ අරමුණින් බව ඔහු පෙන්වා දෙයි.
කිසිදු පාර්ශ්වීය සාකච්ඡාවකින් තොරව 22 වැනි ව්යවස්ථා සංශෝධනය, අධිකරණ සංවිධාන පනත සහ දූෂණ විරෝධී පනත වැනි ප්රධාන පනත් තුනක් පාර්ලිමේන්තුවට ගෙන ඒම හරහා රටේ ව්යවස්ථාදායකය මෙන්ම අධිකරණයද විධායකයේ බලපෑම යටතට නතු කරගනිමින් සිටින බව හෙතෙම වැඩිදුරටත් අවධාරණය කළේය.
