දේශපාලන පක්ෂ නායකයින් සහ ක්රියාකාරීන් ඉලක්ක කර ගනිමින් අධිකරණයට අපහාස කිරීමේ චෝදනා මුවාවෙන් ඔවුන් දඩයම් කිරීමට රජය දරන උත්සාහය ‘ෆ්රී ලෝයර්ස්’ සංවිධානය විසින් දැඩි ලෙස හෙළා දැක තිබේ.
නිවේදනයක් නිකුත් කරමින් එම සංවිධානය පෙන්වා දෙන්නේ විමල් වීරවංශ, උදය ගම්මන්පිල, දිලිත් ජයවීර, මහින්ද පතිරණ, අසංක නවරත්න සහ සුගීශ්වර බණ්ඩාර යන මහත්වරුන්ගේ අදහස් ප්රකාශ කිරීමේ නිදහසට බාධා කිරීම සඳහා අපරාධ පරීක්ෂණ දෙපාර්තමේන්තුව (CID) කටයුතු කිරීම කිසිසේත්ම අනුමත කළ නොහැකි බවයි.
2024 අංක 8 දරණ අධිකරණයට අපහාස කිරීමේ පනත යටතේ පොලිසියට ස්වාධීන අධිකරණයට අපහාස කිරීමේ නඩුවක් පැවරීමට හෝ පවත්වාගෙන යාමට කිසිදු නීතිමය ප්රතිපාදනයක් නොමැති බව එම සංවිධානය අවධාරණය කරයි. පොලිස් බලය යොදාගනිමින් දේශපාලනඥයින් නිහඬ කිරීමට උත්සාහ කිරීම සදාචාර විරෝධී මෙන්ම එය පොලිස් රාජ්යයක පෙරමඟ සලකුණු පෙන්නුම් කරන්නක් බව ඔවුන් චෝදනා කරයි.
පාලක පක්ෂයට දේශපාලනිකව සහාය දුන් නිලධාරීන් ඉහළ තනතුරුවලට පත් කර ගැනීම හරහා රජය විවේචනය කරන පුද්ගලයින් නිහඬ කිරීමට උත්සාහ කරන බවට එම සංවිධානය බරපතළ චෝදනා නඟයි. ආණ්ඩුක්රම ව්යවස්ථාවේ 14 (1) (a) වගන්තියෙන් සහතික කර ඇති භාෂණයේ නිදහස, පක්ෂග්රාහී පොලිස් ක්රියාකාරකම් මගින් විනාශ කළ නොහැකි බවත්, නිදහස් අදහස් දැක්වීම් වැළැක්වීමට පොලිසිය දරන මෙම උත්සාහය පරාජය කළ යුතු බවත් ඔවුන් වැඩිදුරටත් අවධාරණය කරයි.
