ප්රංශයේ පැවැත්වෙන ජී-7 (G-7) සමුළුව අතරතුර ඇමරිකානු ජනාධිපති ඩොනල්ඩ් ට්රම්ප් සහ ඊශ්රායල අග්රාමාත්ය බෙන්ජමින් නෙතන්යාහු අතර පවතින සබඳතාවල දැඩි ඉරිතැලීමක් පෙන්නුම් කරමින් ට්රම්ප් විසින් විශේෂ ප්රකාශයක් සිදුකර තිබේ. ලෙබනනයේ සිවිල් වැසියන් විශාල වශයෙන් මියයන පරිදි ඊශ්රායලය දියත් කරන මිලිටරි උපක්රම සෘජුවම විවේචනය කළ ට්රම්ප්, අනෙකුත් සියලු දෙනා ඝාතනය නොකර ඊශ්රායලයට මෙම කාර්යය නිම කළ නොහැකි නම්, හෙස්බුල්ලා සංවිධානය මර්දනය කිරීමේ වගකීම සිරියාවට භාර දී ඊශ්රායලය පසෙකට විය යුතු බව අවධාරණය කර ඇත.
මෙහිදී ට්රම්ප් විසින් වර්තමානයේ දමස්කස් පාලනය මෙහෙයවන හිටපු අල්-කයිඩා අණදෙන නිලධාරී අල්-ෂාරා (al-Sharaa) වර්ණනාවට ලක් කර ඇති අතර, ඔහු හෙස්බුල්ලා සංවිධානයට දැඩි ලෙස අකමැති, දැනට “විශිෂ්ට කාර්යභාරයක්” ඉටුකරන නායකයෙකු ලෙස හඳුන්වා දී තිබේ. කෙසේ වෙතත්, සිරියාවේ දකුණු දිග ප්රදේශ තවමත් ඊශ්රායල ආක්රමණයට නතුව පවතින පසුබිමක, ඊශ්රායල ආක්රමණවලට එරෙහි වීම තමන්ගේ ප්රධානතම අරමුණ කරගත් හෙස්බුල්ලා සංවිධානයට එරෙහිව සටන් වදින ලෙස ඇමරිකානු ජනාධිපතිවරයා සිරියානු රජයෙන් ඉල්ලා සිටීම දේශපාලන විශ්ලේෂකයන්ගේ දැඩි මවිතයට හේතු වී ඇත.
මෙම තත්ත්වය හමුවේ සිරියානු හමුදා ලෙබනන් දේශසීමාවට ඇතුළු වුවහොත් එය ලෙබනනයේ වෙසෙන ක්රිස්තියානි, ඩෲස් (Druze) සහ ෂියා වැසියන් අතර දැඩි භීතියක් ඇති කිරීමට හේතු වනු ඇති බව විචාරකයෝ පෙන්වා දෙති. එමෙන්ම විදේශීය හමුදා මැදිහත්වීම්වලින් ලෙබනනය ආරක්ෂා කිරීම තමන්ගේ අනන්යතාවය කරගත් හෙස්බුල්ලා සංවිධානය, සිරියාවේ මෙම මැදිහත් වීම හරහා තමන්ගේ බලය තවදුරටත් වර්ධනය කර ගැනීමට සමත් වනු ඇත. මේ අතර, පවතින කිසිදු ජාත්යන්තර බලපෑමක් හමුවේ ලෙබනනයෙන් තම හමුදා ඉවත් කර නොගන්නා බව ඊශ්රායල ආරක්ෂක අමාත්යවරයා ප්රකාශ කර ඇති අතර, මෙමඟින් ලෝකයේ සමීපතම මිත්රයින් දෙදෙනෙකු වූ ඇමරිකාව සහ ඊශ්රායලය මේ වන විට ප්රතිවිරුද්ධ දිශාවන් දෙකකට ගමන් කරමින් සිටින බව මැනවින් පැහැදිලි වේ.
තොරතුරු උපුටා ගැනීම: Mario nawfal(X) ඇසුරින්
