ප්රබල පාතාල නායකයෙකු වන ගණේමුල්ල සංජීවගේ ඝාතනයට ප්රතිචාරයක් ලෙස, සංජීවගේ පාර්ශ්වයේ පිරිසක් විසින් මිද්දෙණිය ප්රදේශයේදී ‘බැකෝ සමන්’ නමැත්තාගේ මව ඉලක්ක කරගනිමින් වෙඩි තබා ඇතැයි ආරක්ෂක අංශ සැක පළ කරයි. වෙඩි වැදීමෙන් තුවාල ලැබූ ඇය මේ වන විට රෝහල්ගත කර ඇති අතර, සිද්ධිය සම්බන්ධයෙන් පොලිස් පරීක්ෂණ ක්රියාත්මක වේ.
වෙඩි ප්රහාරයට ලක්වූ මවගේ පුත්රයා වන ‘බැකෝ සමන්’ නමැත්තා, ප්රබල පාතාල කල්ලියක සාමාජිකයෙකු වන කෙහෙල්බද්දර පද්මේ සමඟ මැලේසියාවේදී අත්අඩංගුවට පත්වූ අයෙකි. මොවුන් දෙදෙනා මත්ද්රව්ය ජාවාරමට අමතරව රට තුළ සිදු වූ ප්රබල පාතාල ක්රියාකාරකම් රැසකට සෘජුවම සම්බන්ධ වී ඇති බවට තොරතුරු අනාවරණය වී තිබේ. ඒ අනුව මිද්දෙණියේදී සිදුකළ මෙම ප්රහාරය ගණේමුල්ල සංජීවගේ පාර්ශ්වය විසින් සිදුකරන ලද සෘජු පලිගැනීමේ ප්රහාරයක් ලෙස ආරක්ෂක අංශ හඳුනාගෙන ඇත.
අපරාධවලට කිසිදු සම්බන්ධයක් නැති කාන්තාවක ඉලක්ක කරගනිමින් මිද්දෙණියේදී සිදුකළ මෙම ප්රහාරය මෙරට පාතාල ඉතිහාසයේ සිදුවූ අතිශය මිලේච්ඡ ක්රියාවක් ලෙස අර්ථ දැක්විය හැක. සිද්ධියට සම්බන්ධ සැකකරුවන් අත්අඩංගුවට ගැනීම සඳහා පොලිස් කණ්ඩායම් කිහිපයක් ඔස්සේ විශේෂ පරීක්ෂණ දැනටමත් ආරම්භ කර ඇත.
