ගේට්වේ ජාත්යන්තර පාසල් සමූහයේ වාර්ෂික වර්ණ රාත්රී (Colors Night) මහෝත්සවය කොළඹ බණ්ඩාරනායක අනුස්මරණ සම්මන්ත්රණ ශාලාවේදී (BMICH) උත්කර්ෂවත් අන්දමින් පැවැත්විණි. මෙම සුවිශේෂී ක්රීඩා ඇගයීම් උත්සවය සඳහා ගේට්වේ ජාත්යන්තර පාසල් සමූහයට අයත් දිවයිනේ සියලුම ශාඛාවල සිසුන්, ගුරු මණ්ඩලය මෙන්ම දෙමාපියන් විශාල පිරිසක් එක්ව සිටියහ. ජාත්යන්තර තලයේ සහ දේශීය මට්ටමේ ක්රීඩා ක්ෂේත්රය තුළ කැපී පෙනෙන දක්ෂතා දැක්වූ ගේට්වේ ශිෂ්ය ශිෂ්යාවන් ඇගයීමට ලක් කිරීම වෙනුවෙන් මෙම වර්ණ රාත්රිය සංවිධානය කර තිබුණි.
මෙම අවස්ථාවට ප්රධාන ආරාධිතයා වශයෙන් ශ්රී ජයවર્ධනපුර විශ්වවිද්යාලයේ ක්රීඩා විද්යා සහ කළමනාකරණ අංශයේ අංශ ප්රධානී ආචාර්ය පියුමි පෙරේරා මහත්මිය සහභාගී වූ අතර ගේට්වේ ජාත්යන්තර පාසල් සමූහයේ සභාපති හර්ෂ අලස් මහතා ඇතුළු සම්භාවනීය ආරාධිත පිරිසක් ද ඊට එක්වූහ. මෙහිදී විවිධ ක්රීඩා ඉසව්වලින් විශිෂ්ට දක්ෂතා දක්වමින් ජාත්යන්තර තරඟාවලි සඳහා ශ්රී ලංකාව නියෝජනය කිරීමට සුදුසුකම් ලැබූ ක්රීඩක ක්රීඩිකාවන් එකොළොස් දෙනකු (11) වෙනුවෙන්ම විශේෂ උපහාර සහ ඇගයීම් පිරිනැමීම සිදුකෙරුණි. පාසල් මට්ටමින් ක්රීඩකයන් දැක්වූ දක්ෂතා අගයමින් ඔවුන් දිරිමත් කිරීම මෙහිදී ප්රධාන ආරාධිතයින් අතින් සිදුවිය.
ශ්රී ලංකාවේ පාසල් ක්රීඩා ක්ෂේත්රය ජාත්යන්තර මට්ටම දක්වා ඉහළ නැංවීම සඳහා ජාත්යන්තර පාසල් පද්ධතිය මඟින් සපයනු ලබන දායකත්වය සහ යටිතල පහසුකම් මෙරට ක්රීඩා විශ්ලේෂකයින්ගේ ඉහළ ඇගයීමට ලක්ව තිබේ. අධ්යාපනයට මෙන්ම ක්රීඩාවට ද සම අවස්ථා ලබාදෙමින් සිසුන්ගේ කුසලතා වර්ධනය කිරීම නූතන ගෝලීය අධ්යාපන රටාව තුළ අත්යවශ්ය සාධකයක් බව අධ්යාපන ප්රවීණයෝ පෙන්වා දෙති. ඒ අනුව, බිම් මට්ටමේ පාසල් ක්රීඩා ක්ෂේත්රය තවදුරටත් ශක්තිමත් කිරීම තුළින් ඉදිරි ජාත්යන්තර ඔලිම්පික් සහ ආසියානු තරඟාවලි නියෝජනය කළ හැකි ප්රමිතිගත ක්රීඩක පරපුරක් රට තුළ නිර්මාණය කරගත හැකි වනු ඇති බව ක්රීඩා අංශ නිරීක්ෂණය කරයි.
