ඉන්දියානු ක්රිකට් කණ්ඩායම එංගලන්තය සමඟ පැවැති ටී-20 ජාත්යන්තර ක්රිකට් තරගාවලිය පරාජය වීමත් සමඟ, ප්රධාන පුහුණුකරු ගෞතම් ගම්භීර්ගේ තනතුර දැඩි අවදානමකට ලක්ව ඇති බව Cricket NDTV වාර්තා කරයි. පසුගිය තරගවලදී දක්වන ලද දුර්වල දක්ෂතා සහ තීරණාත්මක තරග අවස්ථාවන්වලදී කණ්ඩායම කළමනාකරණය කිරීමට පුහුණුකරු ගම්භීර් අසමත් වීම හේතුවෙන්, ඉන්දීය ක්රිකට් පාලක මණ්ඩලය ඔහු පිළිබඳව දැඩි ලෙස අප්රසාදය පළ කර ඇති බවද එම වාර්තාවල වැඩිදුරටත් සඳහන් වේ.
ඉදිරියේදී පැවැත්වීමට නියමිත ලෝක කුසලාන වැනි තීරණාත්මක තරගාවලි සඳහා කණ්ඩායම සූදානම් කිරීමේදී ගම්භීර්ගේ උපක්රමශීලී සැලසුම් අසාර්ථක වීම, ක්රිකට් විචාරකයන්ගේ ද දැඩි විවේචනයට ලක්ව තිබේ. මේ වන විට ඉන්දීය ක්රිකට් ක්රීඩාවේ අනාගතය වෙනුවෙන් කණ්ඩායම් සංයුතියේ සහ පුහුණුකාර මණ්ඩලයේ ප්රබල වෙනස්කම් සිදු කිරීමට බීසීසීඅයි පියවර ගනිමින් සිටින බවත්, ගම්භීර්ගේ පුහුණුකාරිත්වය පිළිබඳව අවසන් තීරණයක් ඉදිරි දින කිහිපය තුළ ප්රකාශයට පත් කිරීමට නියමිත බවත් වාර්තා වේ.
