ඊශ්රායල ප්රහාර හේතුවෙන් වසර දෙකහමාරකට අධික කාලයක් තිස්සේ විනාශයට පත්ව ඇති ගාසා තීරයේ අවතැන් වූවන් රැඳී සිටින තාවකාලික කඳවුරු තුළ දරුණු චර්ම රෝග (හමේ රෝග) ශීඝ්රයෙන් ව්යාප්ත වෙමින් පවතින බව විදේශීය මාධ්ය වාර්තා කරයි. අධික උෂ්ණත්වය, කසළ ගොඩගැසීම, අපිරිසිදු ජලය, ස්වීකරණ පද්ධති නොමැතිකම සහ අධික ජනගහනය හේතුවෙන් මෙම තත්ත්වය උග්ර වී ඇති අතර, මන්දපෝෂණය නිසා ශරීරයේ ප්රතිශක්තිකරණය බිඳවැටුණු කුඩා ළමුන් මෙහි ප්රධාන වින්දිතයන් බවට පත්ව ඇත.
පලස්තීන වැසියන් සඳහා වන වෛද්ය ආධාර සංවිධානය (MAP) සහ ගාසා සෞඛ්ය අමාත්යාංශය පෙන්වා දෙන්නේ 2026 වසරේ මේ දක්වා කාලය තුළ පමණක් බාහිර පරපෝෂිතයන් (Ectoparasites) මඟින් වැළඳෙන චර්ම රෝගීන් 17,000කට අධික සංඛ්යාවක් වාර්තා වී ඇති බවයි. පසුගිය අප්රේල් මාසයේදී කරන ලද වෛද්ය පරීක්ෂණවලට අනුව, හඳුනාගත් සමේ රෝගීන්ගෙන් සියයට 62 කට වඩා වැඩි ප්රමාණයක් වයස අවුරුදු 12 ට අඩු කුඩා දරුවන් වේ. විශේෂයෙන්ම කඳවුරු තුළ කහඹිලියා (Scabies), මැක්කන් සහ කේඩෑරියන් මඟින් බෝවන රෝග මෙන්ම හඳුනා නොගත් කෘමීන් දෂ්ට කිරීම් නිසා ඇතිවන දරුණු තුවාල හා දිලීර ආසාදන (Fungal Infections) බහුලව දක්නට ලැබේ.
පසුගිය ඔක්තෝබර් මාසයේදී ඇති කරගත් සටන්විරාම ගිවිසුම මඟින් මානුෂීය ආධාර සැපයීම ඉහළ නැංවීමට නියමිතව තිබුණද, ඊශ්රායලය විසින් පනවා ඇති දැඩි සීමා කිරීම් හේතුවෙන් ගාසා තීරයට ඖෂධ සහ සෞඛ්යාරක්ෂිත ද්රව්ය ලැබීම සීමා වී ඇත. චර්ම රෝග සඳහා භාවිත කරන ප්රධාන ඖෂධයක් වන ‘පර්මෙත්රින්’ (Permethrin) ඇතුළු අත්යවශ්ය ද්රව්ය මේ වන විට සම්පූර්ණයෙන්ම පාහේ අවසන් වී ඇති බැවින් වෛද්යවරු දැඩි අසීරුතාවකට පත්ව සිටිති. ප්රතිකාර ලබා දුන්නද දරුවන්ට නැවතත් ජීවත් වීමට සිදුවන්නේ රෝග බෝවන අපිරිසිදු කඳවුරු වටපිටාවකම බැවින්, වසංගත තත්ත්වය පාලනය කිරීම මුළුමනින්ම පාහේ අඩාල වී ඇති බව සහන සේවා නිලධාරීහු පවසති.
