ජර්මනිය මුහුණ දෙන දේශීය හා විදේශීය තර්ජන හමුවේ දේශපාලන සමගිය පවත්වා ගන්නා ලෙස ජර්මානු චාන්සලර් ෆ්‍රෙඩ්රික් මර්ස් ඉල්ලා තිබේ.
ඔක්තෝබර් 24 වැනිදා මියුනිච් නුවර පැවති ක්‍රිස්තියානි සමාජ සංගමයේ (CSU) සමුළුව අමතමින් ඔහු සඳහන් කළේ ජර්මනිය මේ වන විට බරපතළ අභියෝග රැසකට මුහුණ දී සිටින බවයි.
දේශීය අන්තවාදී කණ්ඩායම් සහ විදේශීය බලවේග හමුවේ යුරෝපයේ නිදහස හා ආරක්ෂාව තහවුරු කරන්නේ කෙසේද යන්න පිළිබඳව අවධානය යොමු කළ යුතු බව ද ඔහු පැවසීය.
රුසියාව දිනපතාම ජර්මනිය අස්ථාවර කිරීමට උත්සාහ කරන බවට මර්ස් චෝදනා කළේය. කෙසේ වෙතත්, ජර්මනිය ඇතුළු යුරෝපා රටවලට එරෙහිව මෙවැනි දෙමුහුන් මෙහෙයුමක් ක්‍රියාත්මක කරන බවට එල්ල වන චෝදනා රුසියාව ප්‍රතික්ෂේප කරයි.
මර්ස්ගේ මෙම ප්‍රකාශය පැමිණෙන්නේ ජර්මනියේ පාලක සන්ධානය තුළ දේශපාලන මතභේද උත්සන්න වී ඇති පසුබිමකය. නැගෙනහිර ජර්මනියේ ප්‍රාන්ත මැතිවරණ දෙකකදී අන්ත දක්ෂිණාංශික විකල්පය ජර්මනිය (AfD) පක්ෂය ඉදිරියට පැමිණීමත්, බර්ලින් මැතිවරණයේදී වාමාංශික පක්ෂය ඉහළ ප්‍රතිඵලයක් ලබා ගැනීමත් එම අර්බුදය තීව්‍ර කර තිබේ.
එමෙන්ම, ජර්මනියේ ආර්ථිකය ශක්තිමත් කිරීම සඳහා අවශ්‍ය ප්‍රතිසංස්කරණ කඩිනම් කළ යුතු බව ද මර්ස් අවධාරණය කර තිබේ. අන්ත දක්ෂිණාංශික AfD පක්ෂය සමඟ සහයෝගයෙන් කටයුතු කිරීම ද ඔහු ප්‍රතික්ෂේප කර ඇත.
