අමෙරිකාව සහ ඊශ්රායලය එක්ව ඉරානයට එල්ල කළ ප්රහාර හමුවේ හටගත් ගෝලීය බලශක්ති අර්බුදය හේතුවෙන් ජර්මානු ආර්ථිකය දැඩි පීඩනයකට ලක්ව තිබේ. පසුගිය වසර හයක කාලය පුරා පැවති මන්දගාමී ආර්ථික වර්ධනය හමුවේ, ජර්මානු රජය යුරෝ බිලියන 500 ක දැවැන්ත මූල්ය උත්තේජක පැකේජයක් හඳුන්වා දී තිබුණද, මෙම වසරේ සහ ඉදිරි වසරේ ආර්ථිකය යළි පිබිදීමක් පෙන්නුම් කරන්නේ ඉතා අවම මට්ටමකිනි.
චාන්සලර් ෆ්රෙඩ්රික් මර්ස්ගේ රජය යටතේ පවතින ජර්මනිය, ව්යුහාත්මක ප්රතිසංස්කරණ සිදු කිරීමට අපොහොසත් වීම හෝ ඒ සඳහා පවතින අකමැත්ත හේතුවෙන් දිගුකාලීන ආර්ථික ස්ථාවරත්වයක් කරා ගමන් කරමින් සිටින බව ආර්ථික විශ්ලේෂකයෝ පෙන්වා දෙති. ඉහළ බලශක්ති පිරිවැය සහ ගෝලීය වෙළෙඳපොළේ පවතින අවිනිශ්චිතතාව ජර්මනියේ නිෂ්පාදන ක්ෂේත්රයට දැඩි බලපෑමක් එල්ල කර ඇති අතර, මෙය එරට ආර්ථිකයේ ස්ථාවර පසුබෑමකට (Stagnation) මඟ පාදනු ඇතැයි රොයිටර් පුවත් සේවය සඳහන් කරයි.
