ලෙබනනය තුළ සිදුවන නාවික අවහිරතා සහ යුද අපරාධ ඉහළ යාම පිටුපස ඇමරිකා එක්සත් ජනපදය සිටින බවත්, ඔවුන් සටන් විරාම එකඟතාවන් පැහැදිලිවම උල්ලංඝනය කර ඇති බවත් ඉරානයේ ප්රධාන සාකච්ඡාකරු වන මොහොමඩ් බගර් ගාලිබාෆ් (Mohammad Baqer Ghalibaf) මහතා ප්රකාශ කර තිබේ.
සිය නිල සමාජ මාධ්ය ගිණුම ඔස්සේ විශේෂ ප්රකාශයක් සිදුකරමින් ඔහු අවධාරණය කර ඇත්තේ, සෙසු පාර්ශවයන් විසින් ගනු ලබන සෑම තීරණයකටම මිලක් ගෙවීමට සිදුවන අතර, එම වැරදිවලට අදාළ බිල්පත පියවීමට (The bill comes due) නියමිත කාලය දැන් එළඹ ඇති බවයි.
මැදපෙරදිග සාමය වෙනුවෙන් වන නිල අවබෝධතා ගිවිසුම (MOU) සඳහා මෙතෙක් පාර්ශවයන් අත්සන් තබා නොමැති පසුබිමක, ඉරානයේ සාම සාකච්ඡා සඳහා නායකත්වය දෙන ප්රධානියා විසින්ම ඇමරිකාවට සහ ඊශ්රායලයට එරෙහිව මෙම බරපතළ චෝදනාව එල්ල කිරීම හේතුවෙන් කලාපීය සාම සාකච්ඡා ක්රියාවලිය සම්පූර්ණයෙන්ම අර්බුදයකට ලක්වීමේ දැඩි අවදානමක් මතුව ඇතැයි ජාත්යන්තර දේශපාලන විශ්ලේෂකයෝ පෙන්වා දෙති.
මුලාශ්ර – මොහොමඩ් බගර් ගාලිබාෆ් (Mohammad Baqer Ghalibaf) නිල ජාත්යන්තර මාධ්ය ප්රකාශය
