රාජ්ය බුද්ධි සේවයේ හිටපු අධ්යක්ෂ සුරේෂ් සලේ මහතාගේ පිරිහෙන සෞඛ්ය තත්ත්වය සම්බන්ධයෙන් කඩිනම් අවධානය යොමු කරමින්, මානුෂීය හේතූන් මත මැදිහත් වන ලෙස ගෝලීය ශ්රී ලාංකික සංසදය ජනාධිපතිවරයාගෙන් ඉල්ලා සිටී. පාස්කු ඉරිදා ත්රස්ත ප්රහාරය සම්බන්ධ විමර්ශන සඳහා අපරාධ පරීක්ෂණ දෙපාර්තමේන්තුවේ රැඳවුම් භාරයේ සිටියදී උපවාසයක් ආරම්භ කළ ඒ මහතා, මේ වන විට කොළඹ ජාතික රෝහලේ ප්රතිකාර ලබමින් සිටින බව වාර්තා වේ.
ශ්රී ලංකාවේ ජාතික ආරක්ෂාව වෙනුවෙන් වසර ගණනාවක් සේවය කළ උසස් හමුදා නිලධාරියෙකු ලෙස ඔහුගේ තත්ත්වය සලකා බැලිය යුතු බව එම සංසදය අවධාරණය කරයි. විධිමත් අධිචෝදනා පත්රයක් නොමැතිව දීර්ඝකාලීන රැඳවුම් භාරයේ තබාගැනීම වෙනුවට විනිවිදභාවයෙන් යුත් අධිකරණ ක්රියාවලියක් ඔස්සේ විමර්ශන කඩිනම් කරන ලෙස ඔවුන් ජනාධිපතිවරයාගෙන් වැඩිදුරටත් ඉල්ලා තිබේ.
ත්රස්තවාදය වැළැක්වීමේ පනත යටතේ රඳවා සිටින සලේ මහතාට යම් අවාසනාවන්ත තත්ත්වයක් උදාවුවහොත් එහි වගකීම අදාළ බලධාරීන් වෙත පැවරෙනු ඇති බව මෙම ලිපිය මගින් අනතුරු අඟවයි. එබැවින්, ඔහුට බාධාවකින් තොරව ඉහළම වෛද්ය ප්රතිකාර සඳහා අවස්ථාව සලසා දෙන ලෙසත්, ඔහුගේ ආරක්ෂාව තහවුරු කරන ලෙසත් එම සංසදය රජයෙන් තරයේ ඉල්ලා සිටී.
