ලොව ප්රමුඛතම මෝටර් රථ නිෂ්පාදකයෙකු වන General Motors (GM) සමාගම, සිය නව නිෂ්පාදන ප්රධානියා ලෙස ස්ටර්ලින් ඇන්ඩර්සන් (Sterling Anderson) පත් කර ගැනීම සඳහා ඇමෙරිකානු ඩොලර් මිලියන 40ක් දක්වා ඉහළ අගයකින් යුත් දැවැන්ත වැටුප් සහ දිරි දීමනා පැකේජයක් පිරිනමා ඇති බව ඊයේ (20) නිකුත් කළ නියාමන වාර්තාවලින් හෙළි විය.
පසුගිය වසරේදී GM සමාගම හා එක්වීමට පෙර ඇන්ඩර්සන් ස්වයංක්රීය ට්රක් රථ තාක්ෂණ සමාගමක් වන ‘Aurora’ හි සම-නිර්මාතෘවරයෙකු සහ ප්රධාන නිෂ්පාදන නිලධාරියා ලෙස කටයුතු කළේය. මීට පෙර ටෙස්ලා (Tesla) සමාගමේද විධායක තනතුරක් හෙබවූ ඔහු, දැනට GM සමාගමේ විද්යුත් සහ පෙට්රල් වාහන සංවර්ධනය මෙන්ම මෘදුකාංග ක්ෂේත්රය ඇතුළු ප්රධාන ව්යාපාරික අංශ රැසක වගකීම දරයි.
මෝටර් රථ කර්මාන්තය වේගයෙන් විද්යුත් සහ තාක්ෂණික මෙහෙයුම් පද්ධති දෙසට යොමු වන පසුබිමක, මෙවැනි දක්ෂ නිලධාරීන් ආකර්ෂණය කර ගැනීම සඳහා දැවැන්ත මූල්යමය ආයෝජනයක් කිරීමට GM සමාගම තීරණය කර තිබේ. මෙම පත්වීම හරහා සිය අනාගත නිෂ්පාදන පෙළ වඩාත් නවීන මට්ටමකට ඔසවා තැබීමට සමාගම අපේක්ෂා කරයි.
