රජයේ වෛද්ය නිලධාරීන්ගේ සංගමය (GMOA) විසින් ආරම්භ කරන ලද පැය 24 ක සංකේත වැඩවර්ජනය අද දිනත් දිවයින පුරා ක්රියාත්මක වනවා. මෙම වර්ජනය හේතුවෙන් ඇතැම් රෝහල්වල දෛනික කටයුතුවලට සහ ප්රතිකාර සේවාවලට දැඩි බලපෑම් එල්ල වී ඇති බවයි වාර්තා වන්නේ.
විශේෂයෙන්ම පානදුර මූලික රෝහලේ බාහිර රෝගී අංශයෙන් (OPD) ප්රතිකාර ලබා ගැනීම සඳහා දුරබැහැර සිට පැමිණි අසරණ රෝගීන් වෛද්යවරුන් නොමැති වීම හේතුවෙන් දැඩි අපහසුතාවකට පත්ව සිටිනවා. මේ හේතුවෙන් කෝපයට පත් ඇතැම් රෝගීන් සහ ඔවුන්ගේ ඥාතීන් වර්ජනයේ නිරත වෛද්යවරුන්ට එරෙහිව සිය දැඩි විරෝධය පළ කරන අයුරුද දැකගත හැකි වුණා.
කෙසේ වෙතත් මෙවැනි පසුබිමක වුවද හිගුරක්ගොඩ මූලික රෝහලේ ප්රතිකාර සේවා ඉතා සාමාන්ය පරිදි ක්රියාත්මක වන බව වාර්තා වනවා. එහි සේවය කරන වෛද්යවරුන් වැඩවර්ජනය පසෙකලා මානුෂීය පදනමින් අසරණ රෝගීන්ට ප්රතිකාර ලබාදීමට කටයුතු කර තිබෙනවා. ඒ අනුව හිගුරක්ගොඩ රෝහලේ බාහිර රෝගී අංශයේ සහ සායනික අංශවල කටයුතු කිසිදු බාධාවකින් තොරව සාමාන්ය පරිදි සිදුවන බවයි වාර්තා වන්නේ.
