රජයේ වෛද්ය නිලධාරීන්ගේ සංගමය (GMOA) ආරම්භ කර වසර සියයක් සපිරීම නිමිත්තෙන් සංවිධානය කරන ලද විශේෂ සැමරුම් උත්සවය කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී පැවැත්විණි. 1926 වසරේදී ආරම්භ කරන ලද මෙම සංගමය සිය සියවස් සැමරුම පවත්වනු ලැබුවේ “ජාතිය සුවපත් කිරීමේ සියවසක්” යන තේමාව පෙරදැරි කරගෙනය.
මෙම අවස්ථාවට ප්රධාන ආරාධිත අමුත්තා ලෙස ලෝක සෞඛ්ය සංවිධානයේ ශ්රී ලංකා නියෝජිත වෛද්ය රාජේෂ් සම්භාජි රාඕ පාණ්ඩව් මහතා සහභාගී විය. මීට අමතරව හිටපු ජනාධිපතිවරුන් වන මෛත්රීපාල සිරිසේන සහ ගෝඨාභය රාජපක්ෂ යන මහත්වරුන් මෙන්ම හිටපු සෞඛ්ය අමාත්යවරුන්, පාර්ලිමේන්තු මන්ත්රීවරුන් සහ සෞඛ්ය ක්ෂේත්රයේ නියුතු විශාල පිරිසක් ද මෙම සැමරුම් උත්සවයට එක්ව සිටියහ.
සියවස් සැමරුම සනිටුහන් කරමින් විශේෂ සමරු මුද්දරයක් නිකුත් කිරීම සහ සංගමයේ නිල වෙබ් අඩවිය යළි ජනගත කිරීම ද මෙහිදී සිදුකෙරිණි.
