රාජ්ය සේවාවන් ඩිජිටල්කරණය කිරීමේ ජාතික වැඩපිළිවෙළේ තවත් වැදගත් සන්ධිස්ථානයක් සනිටුහන් කරමින්, රජයේ නිල ඩිජිටල් ගෙවීම් වේදිකාව වන ‘GovPay’ සමඟ ‘SLT-MOBITEL mCash’ සේවාව සාර්ථකව ඒකාබද්ධ කර ඇත. ඩිජිටල් ආර්ථික අමාත්යාංශය, ICTA (GovTech) සහ LankaPay එක්ව මෙම වැඩසටහන ක්රියාත්මක කර තිබේ.
මෙම ඒකාබද්ධතාවයත් සමඟ, රථවාහන දඩ මුදල්, උපයෝගීතා බිල්පත්, අධ්යාපන ගාස්තු, සෞඛ්ය සේවා ගාස්තු සහ අනෙකුත් රාජ්ය ආයතන ගාස්තු ඇතුළු ගෙවීම් විශාල ප්රමාණයක් තවදුරටත් රාජ්ය ආයතනවලට නොගොස්, දුරකථනය හරහාම සිදු කිරීමට ජනතාවට අවස්ථාව උදාවේ.
මෙහිදී රාජ්ය ආයතන 280කට අධික සංඛ්යාවක සේවා 4,090කට වැඩි ප්රමාණයක් සඳහා බාධාවකින් තොරව ගෙවීම් සිදු කිරීමේ පහසුකම පාරිභෝගිකයින්ට හිමිවේ. රාජ්ය සේවා වඩාත් කාර්යක්ෂම, විනිවිදභාවයෙන් සහ පහසු ක්රමවේදයකට පරිවර්තනය කිරීම මෙහි මූලික අරමුණයි.
