විවිධ ඉල්ලීම් කිහිපයක් මුල් කරගනිමින් ශ්රී ලංකා ග්රාම නිලධාරීන්ගේ ජාතික සංගමය එන 10 සහ 11 යන දිනවල සියලුම රාජකාරිවලින් ඉවත් වී අසනීප නිවාඩු වාර්තා කිරීමට තීරණය කර තිබේ.
ග්රාම නිලධාරී සේවය සඳහා සුදුසු සහ කරදරයකින් තොර සේවා දිවුරුම් දීමනාවක් ලබා ගැනීම මෙම අරගලයේ ප්රධාන ඉල්ලීමකි.
ඉන්ධන, කාර්යාල පහසුකම්, ලිපි ද්රව්ය සහ දෛනික දීමනා සම්බන්ධයෙන් ‘ගම්මන්පිල කමිටුව’ විසින් ලබා දී ඇති නිර්දේශ ක්රියාත්මක කිරීම සහ 2009/10 පත්වීම් කාල සීමාවේ සිට පවතින අසාධාරණයන්ට විසඳුම් සෙවීම වෙනුවෙන් මෙම පියවර ගෙන ඇත.
දේශපාලන නිලධාරීන්ට සහ පරිපාලන නායකයින්ට තම ගැටළුවලට විසඳුම් ලබා දෙන ලෙස වසර ගණනාවක් තිස්සේ ඉල්ලීම් කළද මෙතෙක් කිසිදු විසඳුමක් ලැබී නොමැති බැවින්, සංගමය ඒකමතිකව මෙම තීරණයට එළඹුණු බව එහි ප්රධාන ලේකම් ඩබ්ලිව්. ඒ. බී. ඒ. විජේරත්න මහතා ප්රකාශ කළේය.
