ගෝතමාලාවේ මීළඟ නීතිපතිවරයා (Attorney General) තෝරා පත් කර ගැනීමේ ක්රියාවලිය වහාම ක්රියාත්මක වන පරිදි අත්හිටුවීමට එර රට ව්යවස්ථාදායක අධිකරණය නියෝග කර තිබේ. අධිකරණය දැනුම් දී ඇත්තේ අවසන් අපේක්ෂකයන්ගේ ලේඛනය සහ ඔවුන්ට ලබා දී ඇති ලකුණු මට්ටම් නැවත සමාලෝචනය කරන ලෙසයි.
වත්මන් නීතිපතිනී කොන්සියුලෝ පෝරාස් (Consuelo Porras) හට දූෂණ චෝදනා සහ මානව හිමිකම් ක්රියාකාරීන් මර්දනය කිරීම සම්බන්ධයෙන් ඇමෙරිකාව සහ යුරෝපා සංගමය සම්බාධක පනවා ඇත. මීට පෙර තේරීම් කාරක සභාව විසින් සකස් කළ අවසන් අපේක්ෂකයන් හයදෙනාගේ ලේඛනයට ඇය ඇතුළත් වී නොසිටි අතර, අධිකරණයේ මෙම නව නියෝගයත් සමඟ ඇයට නැවත එම ලේඛනයට ඇතුළත් වීමට අවස්ථාවක් ලැබීමේ ඉඩකඩක් පවතී.
ව්යවස්ථාදායක අධිකරණය පවසා ඇත්තේ විනිසුරුවරයෙකු ලෙස සේවය කළ කාලය නීතිඥ වෘත්තියේ නිරත වූ කාලය ලෙස ගණනය නොකළ යුතු බවයි. මෙම තීරණය හේතුවෙන් දැනට ලේඛනයේ සිටින ඇතැම් අපේක්ෂකයන්ගේ සුදුසුකම් පවා අභියෝගයට ලක් විය හැකිය. වත්මන් ජනාධිපති බර්නාඩෝ අරේවාලෝගේ (Bernardo Arevalo) ප්රධාන දේශපාලන ප්රතිවාදියෙකු වන පෝරාස් නීතිපති ධුරයෙන් ඉවත් කිරීම රජයේ ප්රධාන අරමුණක් වී තිබූ පසුබිමක මෙම අධිකරණ තීන්දුව දැඩි කතාබහට ලක්ව ඇත.
