උතුරු කොළඹ ශික්ෂණ (රාගම) රෝහලේ කළමනාකරණ කටයුතු සහ සේවාවන් විධිමත් කිරීම, කාර්යක්ෂමතාව සහ පහසුකම් සංවර්ධනය කිරීම අරමුණු කර ගනිමින් පවත්වන ලද රෝහල් කළමනාකරණ කමිටු රැස්වීම සඳහා සෞඛ්ය නියෝජ්ය අමාත්ය වෛද්ය හංසක විජේමුණි මහතා සමග එක්ව සහභාගී වීමි. මහ ජනතාවට වඩාත් සමීප, ගුණාත්මක හා කාර්යක්ෂම සෞඛ්ය සේවාවක් ලබා දීම රජයේ අපේක්ෂාවයි.
ඒ වෙනුවෙන්, රෝහලේ යටිතල පහසුකම් සංවර්ධනය, රෝගී සත්කාරක සේවා, මානව සම්පත් කළමනාකරණය සහ යෝජිත නවීකරණ මූලික සැලැසුම් පිළිබඳව මෙහිදී පුළුල් ලෙස අදහස් හා යෝජනා සොයා බැලීය. වත්මන් රජය විසින් සෞඛ්ය සේවාවේ සංවර්ධන වැඩසටහන් වෙනුවෙන් ඉතිහාසයේ වැඩිම ප්රමාණයකින් ප්රතිපාදන වෙන් කර ඇති අතර, එහි ප්රතිලාභ රටට සහ ජනතාවට ඵලදායීව හිමිකර දීම රජයේ බලාපොරොත්තුව වේ.
ගම්පහ දිස්ත්රික් සෞඛ්ය කමිටුවේ සභාපතිවරයා වශයෙන් මෙම අවස්ථාවට එක්වෙමින්, රෝහලේ සංවර්ධනය වෙනුවෙන් තීරණ ගැනීමේ දී සියළු මට්ටම්වල වෘත්තිකයන් සාමූහිකව කටයුතු කිරීමේ සහ කණ්ඩායම් සංකල්පය ඉස්මතු කර ගැනීමේ වැදගත්කම පෙන්වා දුන්නෙමි.
මෙම අවස්ථාවට පාර්ලිමේන්තු මන්ත්රී සටෙප්නි ප්රනාන්දු, සෞඛ්ය හා ජනමාධ්ය අමාත්යාංශයේ අතිරේක ලේකම්වරුන් වන කිත්සිරි ගුණවර්ධන, ශාමික ගාල්ලගේ, ඉංජිනේරු සාලින්ද බණ්ඩාර, උතුරු කොළඹ ශික්ෂණ රෝහලේ අධ්යක්ෂ වෛද්ය ප්රියන්ත තෙන්නකෝන් යන මහත්වරුන් සහ විශේෂඥ වෛද්යවරුන් ඇතුළු පිරිසක් එක්ව සිටියහ.
