සමගි ජන බලවේගයේ පාර්ලිමේන්තු මන්ත්රී ආචාර්ය හර්ෂ ද සිල්වා මහතාට වත්මන් රජයේ ඉහළ මට්ටමේ වගකීමක් භාරගෙන පාලනය සමඟ එක්වන ලෙස දේශපාලන බලධාරීන්ගෙන් විශේෂ යෝජනාවක් ඉදිරිපත්ව ඇති බව වාර්තා වේ. මූල්ය කළමනාකරණය සහ ප්රතිපත්ති සම්පාදනය පිළිබඳ ඔහුගේ වෘත්තීය දැනුම රටේ මූල්ය ස්ථාවරත්වය ඇති කිරීමේ වැඩපිළිවෙළට දායක කර ගැනීම මෙම ඇරයුමේ ප්රධාන අරමුණ වී ඇති බව දේශපාලන ආරංචි මාර්ග පවසයි.
මෙම ආරාධනය පිළිගතහොත් ආර්ථිකය මෙහෙයවන තීරණාත්මක ධුරයක් ඔහු වෙත පැවරීමට රජයේ අවධානය යොමුව ඇති බව ද සඳහන් වේ. කෙසේ වෙතත්, මෙම පුවත පිළිබඳව සමාජ මාධ්ය ඔස්සේ අදහස් දක්වමින් ආචාර්ය හර්ෂ ද සිල්වා මහතා සිය ස්ථාවරය පැහැදිලි කර තිබේ. රජය තමන් වැනි පුද්ගලයන්ගේ අවශ්යතාව හඳුනා ගැනීම පිළිබඳව සතුටු වන නමුත්, වත්මන් පාලක පක්ෂයට එක්වීමට තමන්ගේ කිසිදු සූදානමක් නොමැති බව ඔහු එහිදී අවධාරණය කර ඇත.
