පසුගිය 2001 වසරේදී මෙරටට හඳුන්වා දෙනු ලැබූ “ජාතික ස්වකැමැත්තෙන් තොර නැවත පදිංචි කිරීමේ ප්රතිපත්තිය” (National Involuntary Resettlement Policy – NIRP) වහාම ක්රියාත්මක වන පරිදි ශක්තිමත් නීති රාමුවක් බවට පරිවර්තනය කළ යුතු බව සමගි ජන බලවේගයේ පාර්ලිමේන්තු මන්ත්රී ආචාර්ය හර්ෂ ද සිල්වා මහතා රජයෙන් ඉල්ලා සිටියි. විවිධ සංවර්ධන ව්යාපෘති සඳහා ජනතාව පදිංචි ස්ථානවලින් ඉවත් කිරීමේදී ඔවුන් දැඩි අසාධාරණයන්ට ලක්වන බැවින්, මෙම ප්රතිපත්තිය නීතිගත කිරීම කාලීන අවශ්යතාවක් බව ඔහු පෙන්වා දෙයි.
මන්ත්රීවරයා අවධාරණය කරන්නේ, දැනට ලංකාවේ පවතින සාම්ප්රදායික ඉඩම් අත්කරගැනීමේ නීති රාමුවට වඩා බෙහෙවින් එහා ගිය, මානුෂීය සහ පුළුල් සමාජීය ප්රවේශයක් මෙම ජාතික ප්රතිපත්තිය සතු වන බවයි. සංවර්ධනයේ නාමයෙන් අවතැන් වන ජනතාවගේ ජීවනෝපාය මාර්ග සුරැකීම, සාධාරණ වන්දි ලබාදීම සහ ඔවුන්ගේ කැමැත්තට මෙන්ම මානුෂීය ගෞරවයට මුල්තැන දීම සහතික කිරීමට නම් මෙම ප්රතිපත්තිය නීතිමය බලයක් සහිත පනතක් බවට පත්කළ යුතු බව ද ඔහු සඳහන් කළේය.
රටේ පොදු ජනතාවගේ සුභසාධනය සහ අයිතිවාසිකම් වෙනුවෙන් ක්රියාත්මක වන මෙම ප්රතිපත්තිය කඩිනමින් නීතිගත කිරීම සඳහා පාර්ලිමේන්තුව තුළදී විපක්ෂයේ පූර්ණ සහයෝගය කොන්දේසි විරහිතව රජය වෙත ලබාදෙන බවට ද ආචාර්ය හර්ෂ ද සිල්වා මහතා මෙහිදී නිල වශයෙන් සහතික විය.
