හැටන් – දික්ඔය නගරයේ දිනපතා එකතු වන කැළිකසළ, නගර සභාවේ සෞඛ්ය අංශ සේවකයින් විසින් කාසල්රි ජලාශයට ජලය ගලා බසින දික්ඔය ඇළ මාර්ගයට බැහැර කරන බව ප්රදේශවාසීන් චෝදනා කරයි.
මෙම සිදුවීම සම්බන්ධයෙන් වාර්තා වන කරුණු පහත පරිදි වේ:
ඩෙංගු මර්ධන සතියක් ප්රකාශයට පත් කර ඇති මෙවැනි කාලසීමාවක, නගර සභාවේ සේවකයින් විසින්ම මෙලෙස කසළ බැහැර කිරීම ගැටලු සහගත බව ප්රදේශවාසීහු පවසති. මෙම කසළ අත් කරත්ත මගින් රැගෙන ගොස් හැටන් – බගවන්තලාව ප්රධාන මාර්ගයට යාබදව ඇති දික්ඔය ඇළ මාර්ගයට දමා තිබේ.
බැහැර කරන කසළ අයාලේ යන සුනඛයින් විසින් ඇද දමන බැවින් එම ප්රදේශය පුරා දැඩි දුර්ගන්ධයක් පැතිරී යන අතර, එයින් විශාල පාරිසරික හානියක් සිදුවෙමින් පවතී.
පවතින අයහපත් කාලගුණික තත්ත්වයත් සමග මෙම කසළ දිරාපත්වීම සහ ජලයට මිශ්ර වීම හේතුවෙන් ප්රදේශවාසීන් සහ එම මාර්ගයේ ගමන් ගන්නා මගීන් දැඩි සෞඛ්ය අවදානමකට සහ අපහසුතාවයට ලක්ව ඇත.
වගකිවයුතු ආයතනයක් විසින්ම මෙලෙස ජල මූලාශ්ර දූෂණය කිරීම සම්බන්ධයෙන් වහාම පියවර ගන්නා ලෙස ප්රදේශවාසීන් බලධාරීන්ගෙන් ඉල්ලා සිටී.
