ඉතාලියේ පැවති උත්සවයකදී ශ්රී ලංකාවේ ප්රකට ව්යාපාරික ඩඩ්ලි සිරිසේන මහතා රෝල්ස් රොයිස් රථයක් මෙරටට ගෙන්වීම ඩොලර් අගය ඉහළ යාමට හේතුවක් වූ බවට මහාචාර්ය ජී.එල්. පීරිස් මහතා කළ ප්රකාශයක් හේතුවෙන් දෙපාර්ශවය අතර උණුසුම් වචන හුවමාරුවක් සිදුව තිබේ.
එම උත්සවයට සහභාගී වී සිටි ඩඩ්ලි සිරිසේන මහතා මහාචාර්ය ජී.එල්. පීරිස් මහතාගේ මෙම ප්රකාශයට එතැනදීම සිය විරෝධය පළ කරමින් ප්රතිචාර දක්වා ඇත. තමන් ගෙන්වූ රථය සම්බන්ධයෙන් එල්ල වූ චෝදනාවට පිළිතුරු දෙමින් ඔහු විමසා සිටියේ මහාචාර්යවරුන්ට පමණක් මෙරටට රෝල්ස් රොයිස් රථ ගෙන්වීමට හැකියාවක් පවතින්නේද යන්නයි. තමන් තම ව්යාපාර හරහා සාධාරණව උපයාගත් මුදලින් මෙය ගෙන්වූ බවත්, එය දේශපාලන ගනුදෙනු (ඩීල්) හරහා සිදු කළ එකක් නොවන බවත් ඔහු එහිදී අවධාරණය කළේය.
මෙම සිද්ධිය ජාත්යන්තර මට්ටමේ උත්සවයකදී සිදුවීමත් සමඟ එය මේ වන විට සමාජ මාධ්ය ඔස්සේ ද දැඩි කතාබහට ලක්වෙමින් පවතී.
