හෝර්ටන් තැන්න ජාතික වනෝද්යානයේ සංවේදී පරිසර පද්ධතිය ආරක්ෂා කරමින්, සංචාරක පහසුකම් වැඩිදියුණු කිරීම සහ තිරසර පරිසර සංචාරක ව්යාපාරයක් ප්රවර්ධනය කිරීම සඳහා පියවර ගන්නා බව පරිසර නියෝජ්ය අමාත්ය ඇන්ටන් ජයකොඩි මහතා ප්රකාශ කරයි. හෝර්ටන් තැන්නේ පරිසරයට සිදුවන හානි අවම කිරීම සඳහා නරඹන්නන්ගේ පැමිණීම විධිමත් ලෙස කළමනාකරණය කිරීම, නවීන ඩිජිටල් ප්රවේශ පත්ර ක්රමවේදයක් හඳුන්වාදීම සහ පරිසර හිතකාමී විද්යුත් වාහන සේවාවක් ක්රියාත්මක කිරීම කෙරෙහි අවධානය යොමු කර ඇති බවද අමාත්යවරයා සඳහන් කර ඇත.
පරිසර නියෝජ්ය අමාත්යවරයා පසුගියදා (29) හෝර්ටන් තැන්න ජාතික වනෝද්යානයේ නිරීක්ෂණ චාරිකාවකට එක් වූ අවස්ථාවේ මෙම තීන්දු තීරණය කර ඇති අතර, වනජීවී හා වන සංරක්ෂණ කලාපවල සිදුවන නීතිවිරෝධී මිනිස් ක්රියාකාරකම්, කැළිකසළ බැහැර කිරීම, ශබ්ද දූෂණය සහ සතුන් දඩයම් කිරීම ඇතුළු පරිසර හානි පාලනය කිරීම සඳහා වන සංරක්ෂණ දෙපාර්තමේන්තුවට මාස හයක නිරීක්ෂණ කාලයක් ලබාදීමටද තීරණය කර තිබේ. එම කාලය තුළ පරිසර හානි සාර්ථකව පාලනය කිරීමට නොහැකි වුවහොත්, ප්රවේශ පත්ර කවුන්ටර පහළ පිවිසුම් කලාප වෙත ගෙන ගොස් මාර්ග සහ පිවිසුම් පාලනය දැඩි කිරීමටත්, වනජීවී සංරක්ෂණ දෙපාර්තමේන්තුව සහ වන සංරක්ෂණ දෙපාර්තමේන්තුව එක්ව ඒකාබද්ධ ආරක්ෂක වැඩපිළිවෙළක් ක්රියාත්මක කිරීමටත් පියවර ගෙන ඇත.
