ජාත්යන්තර ක්රිකට් කවුන්සිලය (ICC) විසින් ක්රිකට් ක්රීඩාව වෙනුවෙන් නව නීති කිහිපයක් හඳුන්වා දීමට පියවර ගෙන ඇත. ඉන්දියාවේ අහමදාබාද් නුවරදී ඊයේ (01) පැවති අයි.සී.සී විධායක මණ්ඩල රැස්වීමේදී මෙම තීරණ අනුමත විය.
නව නීතිවලට අනුව, ටෙස්ට් තරග දිවා-රාත්රී තරග ලෙස පැවැත්වීම සඳහා රෝස පැහැති පන්දුව (Pink ball) භාවිතා කිරීමට අවසර ලබා දී තිබේ. මීට අමතරව, විස්සයි20 සහ එක්දින තරගවලදී පානයන් ලබාගන්නා විරාමයන්හිදී (drinks breaks) කණ්ඩායම්වල ප්රධාන පුහුණුකරුවන්ට ක්රීඩාංගණයට පිවිස ක්රීඩකයින් සමඟ උපදෙස් හුවමාරු කර ගැනීමට ඉඩ ලබා දීමද නව තීරණ අතර වේ.
මෙම විධායක මණ්ඩල රැස්වීමේදී ශ්රී ලංකා ක්රිකට් ආයතනයේ පවතින වත්මන් තත්ත්වය පිළිබඳව ද විශේෂ සාකච්ඡාවක් පැවැත්විණි.
නව නීති ක්රියාත්මක කිරීම සහ ඒ සම්බන්ධයෙන් වන තාක්ෂණික කරුණු ඉදිරියේදී නිල වශයෙන් ප්රකාශයට පත් කිරීමට නියමිතය.
