කෝවිඩි-19ට සම්බන්ධයැයි සැක බරපතළ රෝගී ලක්ෂණ දරුවන් අතර මතුවෙයි

කොරෝනාවෛරස ආසාදනයට සම්බන්ධ යැයි සැලකිය හැකි දුර්ලභ නමුත් භයානක රෝග ලක්ෂණ කීපයක් දරුවන් අතර නිරීක්ෂණය වී ඇති අතර, මේ පිළිබඳ අවධානයෙන් සිටින ලෙස එක්සත් රාජධානියේ වෛද්‍යවරුන්ට අනතුරු අඟවා තිබේ.

ලන්ඩන් ඇතුළු බ්‍රිතාන්‍යයේ විවිධ ප්‍රදේශවල පිහිටි දැඩි සත්කාර ඒකකවල මෙම අසාමාන්‍ය රෝග ලක්ෂණ සහිත බරපතල ලෙස රෝගී වූ දරුවන් ප්‍රතිකාර ලබමින් සිටින බව වෛද්‍යවරුන් වෙත යවන ලද එම ලිපියේ දැක්වේ.

එවැනි රෝගියෙකු තුළ "බහු අවයව ප්‍රදාහය" සමග උණ රෝගී ලක්ෂණ ද දක්නට ලැබේ.

මෙවැනි රෝගී ලක්ෂණ සහිත දරුවන් සියල්ලම නැතත් සමහරුන්ට කොරෝනාවෛරසය ආසාදනය වී ඇති බව තහවුරු වී තිබේ.

රෝගීන් සංඛ්‍යා අඩු විය හැකි වුව ද දරුවන් කොපමණ ප්‍රමාණයකට මෙම රෝගී ලක්ෂණ ඇති වූයේ ද යන්න පැහැදිලි නැත.

එංගලන්ත ජාතික සෞඛ්‍ය සේවා අධ්‍යක්ෂ වෛද්‍ය ස්ටීවන් පොවිස් පැවසුවේ ළමුන් තුළ හටගන්නා දුර්ලභ, දරුණු රෝගාබාධ පිළිබඳ වාර්තා ගැන ඔවුන් දැනුවත් වී ඇති බවය.

"එම වාර්තා අපට දැකගත හැකි වූයේ පසුගිය දින කීපය තුළයි. මෙය හදිසි අවස්ථාවක් ලෙස සලකා මේ ගැන සොයා බලන ලෙස අපි අපගේ විශේෂඥයන්ගේ ඉල්ලා සිටිනවා."

මෙය කොරෝනාවෛරසයට සම්බන්ධ ආසාදනයක් ද නැතහොත හඳුනා නොගත් වෙනත් ආසාදනයක්දැයි යන්න පිළිබඳ “අවධානය යොමු වෙමින් තිබෙන” බව එංගලන්ත ජාතික සෞඛ්‍ය සේවා නිකුත් කරන ලද අනතුරු ඇඟවීමක දැක්වේ.

විවිධ වයස්වල පසුවන මෙම දරුවන් බරපතල ලෙස රෝගාතුර වී තිබේ. ශරීර උෂ්ණත්වය ඉහළ යෑම, අඩු රුධිර පීඩනය, කුෂ්ඨ සහ හුස්ම ගැනීමේ අපහසුතා වැනි රෝග ලක්ෂණ දැකිය හැකි අතර මෙය 'කවාසකී' ආසාදනයට සහ විෂ කම්පක සින්ඩ්‍රෝමයට සමානය.

සමහර දරුවන්ට බඩේ වේදනාව, වමනය හෝ පාචනය වැනි ආමාශ ආන්ත්‍රික රෝග ලක්ෂණ තිබෙන අතර, හෘද වස්තුව ප්‍රදාහය මෙන්ම අසාමාන්‍යය රුධිර පරීක්ෂණ ප්‍රතිඵල ද නිරීක්ෂණය වී තිබේ.

ශරීරය යම් ආසාදනයකට එරෙහිව සටන් කිරීමට උත්සාහ කර එය අසාර්ථක වන විට මෙවැනි ලක්ෂණ මතුවන බව විශේෂඥයෝ පවසති.

මෙවැනි රෝගීන්ට හදිසි ප්‍රතිකාර අවශ්‍ය බව අනතුරු ඇඟවීම සිදු කර තිබේ.

නමුත් විශේෂඥයන් අවධාරණය කරන්නේ කොරෝනාවෛරසයෙන් පීඩා විඳින දරුවන් සිටින්නේ ඉතා සුළු පිරිසක් පමණක් බවය. ලොව නන් දෙසින් ලැබී තිබෙන සාක්ෂි අනුව පෙනී යන්නේ වෛරසයෙන් අවම වශයෙන් පීඩාවට පත්ව ඇති පිරිස දරුවන් බවය.

කේම්බ්‍රිජ්හි ළමා දැඩි සත්කාර පිළිබඳ විශේෂඥ වෛද්‍ය නසීමා පතන් පැවසුවේ ස්පාඤ්ඤය සහ ඉතාලියෙන් ද මෙවැනිම සිද්ධීන් වාර්තා වී ඇති බවය. “සමහර දරුවන්ට පූති කම්පන ආකාරයේ රෝගාබාධ හා කුෂ්ඨ රෝග ඇති වී තිබෙනවා. කවාසකී සහ විෂ කම්පක සින්ඩ්‍රෝමය වැනි රෝගවල (රුධිර නාල සහ හෘදයට බලපාන රෝගී තත්වයන්) අපට මෙවැනි ලක්ෂණ දකින්න පුළුවන්."

"සමස්තයක් වශයෙන්, කොරෝනාවෛරසය ආසාදනය වීමෙන් ඇතිවන පෙනහළු ආසාදනවලට ළමුන් ඔරොත්තු දෙන බව පෙනෙන්න තිබෙනවා. දැඩි සත්කාර ඒකකවලට ඇතුළත් කර ගන්නා ළමුන් සංඛ්‍යාව සාපේක්ෂව අඩුයි."

මෙවැනි රෝගීන් 20 කට අඩු සංඛ්‍යාවක් පිළිබඳ තොරතුරු මේ වන විට වෛද්‍යවරුන් වාර්තා කර ඇති බව එංගලන්ත ජාතික සෞඛ්‍ය සේවය පැවසීය. මේ ගැන පරීක්ෂණ දිගටම සිදු කෙරෙන නමුත්, තවමත් කිසිදු සම්බන්ධයක් සොයා ගෙන නොමැති බව ප්‍රකාශකයෙක් පැවසීය.

වෛද්‍ය ප්‍රතිකාර ලබා ගත යුත්තේ කුමන අවස්ථාවේ ද?

කොරෝනාවෛරසය දරුවන්ට ආසාදනය වන නමුත් එය බරපතල තත්වයක් දක්වා වර්ධනය වන්නේ කලාතුරකිනි. ඔබේ දරුවා රෝගී තත්වයෙන් පසුවන්නේ නම් එය කොරෝනාවෛරසයෙන් ඇති වූ රෝගී තත්වයක් නොවන්නට ද පුළුවන.

නමුත්, පහත සඳහන් රෝග ලක්ෂණ ඇත්නම් වහාම වෛද්‍ය ප්‍රතිකාර ලබා ගන්නා ලෙස එංගලන්ත ජාතික සෞඛ්‍ය සේවා පවසයි:

  • සුදුමැලි වීම, ශරීරයේ තිත් ඇතිවීම සහ අසාමාන්‍ය ලෙස සීතල වීම
  • හුස්ම ගැනීමේ දී දීර්ඝ විරාමයන් තිබීම, අක්‍රමවත් හුස්ම ගැනීමේ රටාවන් හෝ ශබ්දයක් පිටවීම
  • හුස්ම ගැනීමේ අපහසුතා මත ඇතිවන කැළඹිලි ස්වභාවය හෝ ප්‍රතිචාර නොදැක්වීම තොල් වටා නිල් පැහැ වීම
  • සිහිමූර්ඡා වීම
  • අතිශයින් පීඩාවට පත්වී සිටීම (අවධානය වෙනතකට යොමු කළත් නොනවත්වා ඇඬීම), ව්‍යාකූල බව, ඉතා උදාසීන වීම (අවදි වීමට අපහසු) හෝ ප්‍රතිචාර නොදැක්වීම, කුෂ්ඨ ඇතිවීම
  • තරුණ පිරිමි ළමුන්ගේ වෘෂණ කෝෂවල ඇතිවන වේදනාව

(බී.බී.සී. ඇසුරිණි)

Pin It

සබැඳි පුවත්

කොරෝනා චීනයෙන් තුරන් වෙද්දී ලෝ වටා තත්ත්වය
කොරෝනා චීනයෙන් තුරන් වෙද්දී ලෝ වටා තත්ත්වය කොරෝනා වෛරසයේ ව්‍යාප්තිය ඇරැඹි චීනයෙන් ඊයේ (අප්‍රේල් 07) එකම කොරෝනාවෛරස් රෝගී මරණයක් හෝ වාර්තා නොවිණි. පසුගිය ජනවාරියේ පටන් චීනය දෛනික සංඛ්‍යා ලේඛන ඉදිරිපත් කළ...
කොවිඩ්-19 වසංගත වක්‍රය පැතලි කිරීම: ප්‍රජා වෛද්‍ය ප්‍රතිචාරය
කොවිඩ්-19 වසංගත වක්‍රය පැතලි කිරීම: ප්‍රජා වෛද්‍ය ප්‍රතිචාරය ශ්‍රී ලංකා ප්‍රජා වෛද්‍ය විශේෂඥ වෛද්‍යවරුන්ගේ සංගමය යනු ශ්‍රී ලංකාව තුල මහජන සෞඛ්‍ය ක්‍රියාවට නැංවීම පිළිබද ප්‍රමුඛතම වෘත්තික සංවිධානයයි. එය ශ්‍රී ලාංකීය ජනතාවග...
එහෙව් තාක්ෂණ ස්වර්ග රාජ්‍යයට මාගේ දේශය අවදි කරනු මැන
එහෙව් තාක්ෂණ ස්වර්ග රාජ්‍යයට මාගේ දේශය අවදි කරනු මැන කොවිඩ් වසංගතයේ අඳුරු අත්දැකීම් අතරින්, ගෝලීය සංකල්පවල ප්‍රායෝගික ගැටළු මතුවෙමින් තිබෙන අවධියකි මේ. අනෙකුන් මත යැපීමේ ආදිනව විඳිමින්, ස්වයංපෝෂිතබවේ අගය ගැන කියවෙ...
උණුසුම් කාලගුණයට මුහුණ දීම !
උණුසුම් කාලගුණයට මුහුණ දීම ! පාරිසරික උෂ්ණත්වය සාමාන්‍ය තත්ත්වයන් ට වඩා බෙහෙවින් ඉහළ මට්ටමක මෙම දිනවල පවතින බව වාර්තා වේ. අධික උෂ්ණත්වය සහ එමගින් මිනිස් සිරුරට සිදුවිය හැකි අහිතකර තත්ත්වයන්...
හඳුන්නෙත්තිගේ "ඇමති පුටුව" ට විමල්ගෙන් කිස්කන උත්තරයක්…
හඳුන්නෙත්තිගේ "ඇමති පුටුව" ට විමල්ගෙන් කිස්කන උත්තරයක්… ‘ඇමති පුටුව’ ගැන ජ.වි.පෙ. මන්ත්‍රීගේ අසත්‍ය ප්‍රකාශය දැඩි පිළිකුලෙන් යුතුව හෙළා දකිනවා– කුඩා හා මධ්‍ය පරිමාණ ව්‍යාපාර, ව්‍යවසාය සංවර්ධන,කර්මාන්ත හා සැපයුම් කළමන...
යහ පාලනය තුල සිටි බැසිල්ගේ ඔත්තුකරුවෝ..?
යහ පාලනය තුල සිටි බැසිල්ගේ ඔත්තුකරුවෝ..? යහ පාලන සමයේ එහි අභ්‍යන්තරික තත්ත්වයන් හා දේශපාලනික ගතිකයන් පිටත ට කාන්දු කිරීම උදෙසා, ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ විසින් චරපුරුෂයන් යොදවා...

Print   Email