ඉන්දියාවේ නිෂ්පාදිත අක්ෂි දියර වර්ග 11ක් බැක්ටීරියා දූෂණය වීමේ අවදානමක් හේතුවෙන් වෙළෙඳපොළෙන් ආපසු කැඳවීමට පියවර ගෙන ඇති බව වාර්තා වේ. අදාළ ඖෂධ කාණ්ඩවල Pseudomonas බැක්ටීරියාව හඳුනාගෙන ඇති බවට ඉන්දියාවේ අක්ෂි වෛද්යවරුන් නියෝජනය කරන All India Ophthalmological Society (AIOS) අනතුරු අඟවා ඇති අතර, එවැනි දූෂණයක් බරපතළ අක්ෂි ආසාදන ඇති කිරීමේ අවදානමක් පවතින බවද සඳහන් කර තිබේ.
මෙම අක්ෂි දියර අතර ග්ලුකෝමා රෝගීන්ට සහ අක්ෂි සැත්කම්වලින් පසු භාවිතයට නියම කරන ඖෂධද ඇති බව වාර්තා වේ. කෙසේ වෙතත්, එවැනි ඖෂධයක් භාවිත කරන රෝගීන් වෛද්ය උපදෙස් නොමැතිව ප්රතිකාර නතර නොකර තම අක්ෂි වෛද්යවරයාගෙන් උපදෙස් ලබාගත යුතු බව විශේෂඥයන් පෙන්වා දෙයි.
මේ අතර අදාළ ඖෂධ කාණ්ඩ ශ්රී ලංකාවට ගෙන්වා තිබේද සහ රජයේ හෝ පෞද්ගලික සෞඛ්ය අංශයේ භාවිතයට පවතින්නේද යන්න කඩිනමින් සොයා බලන ලෙස විශේෂඥ වෛද්ය චමල් සංජීව මහතා සෞඛ්ය අමාත්යාංශයෙන් සහ ජාතික ඖෂධ නියාමන අධිකාරියෙන් ඉල්ලා තිබේ. ලබාදී ඇති තොරතුරු අනුව, මෙම ඖෂධ සම්බන්ධයෙන් ශ්රී ලංකාවේ NMRA ආයතනය මෙතෙක් නිල ආපසු කැඳවීමේ නිවේදනයක් නිකුත් කර නොමැති බැවින්, ඉන්දියාවේ සිදුවන recall එක ශ්රී ලංකාවටද අදාළ බව නිල වශයෙන් තහවුරු වන තෙක් ඒ පිළිබඳ ප්රකාශ කිරීමේදී අවධානය යොමු කිරීම වැදගත් වේ.
